Zahariev: Ko than te kera proslava ko dive e Romengoro, amen ka asfaltirina o droma

Илчо-Захариев-1

O bersh taro budjeti e komunakoro Shtip nane te donirinenpe strestvija basho nishanikeriba o 8to april – o Dive e Romengoro. Spremal o dizjakorosherutno Ilcho Zahariev, bizogndipaskoro si taro budjeti te ulavenpe 60 mile denarija salde basho jek amalipa, a ko Shtip isi trujal 70 biradjakere organizacie, kola so kerena buti ko Romano puchiba.

O nashukar dzandipa taro angleder trin bersha, kana taro budjeti e amalipaske Cherejna sine ulavde 60 mile denarija basho nishanikeriba o Dive e Romengoro, kova so hoalngergja e javere amalipna, vakerela o Zahariev, andibaja kaj ko than e nishanikeribaskoro, o love ka denpe basho asfaltiriba e dromengoro ko Romane mahale.

Ki avdisutni beshlari o Zahariev sikavgja kaj o dende lafeskere love taro o fondija basho o Roma, ko legarina taro 200 mile evroja, kola so sine namenime basho asfaltiriba e dromeskoro “Slavcho Stojmenov”, kotor taro “Sutjeska”, “Radanski pat” thaj “Kosovska” nikana na pashlile ki esapin e komunakiri, pa o droma ko than odole lovencar asfaltiringjepe e lovencar taro budjeti.

I komuna nikana na lela ni o dende lafeskere jek milioni denarija taro Ministeriumi basho transport thaj phandina, kola so isto agar sine dende bashi Romani jekhin.

Jekhutneste so I komuna lela sine love basho keriba o Droma e Romengere si prekal o strestvija taro budjeti e Romane Dekadakoro kolakoro so koordinatori si o Ministeri Nezdet Mustafa.

O bersh taro budjeti e komunakoro Shtip nane te donirinenpe strestvija basho nishanikeriba o 8to april – o Dive e Romengoro. Spremal o dizjakorosherutno Ilcho Zahariev, bizogndipaskoro si taro budjeti te ulavenpe 60 mile denarija salde basho jek amalipa, a ko Shtip isi trujal 70 biradjakere organizacie, kola so kerena buti ko Romano puchiba.

You may also like...

Sorry - Comments are closed