VOZIBA KO IV – so kamlape te djanen, so kamlape te keren thaj mate keren!!!

VOZENJE PO SNEG

O avgo iv si nishani basho sa o djene so lena than ko trafiko, chivindor thaj e Romen, kola so kamlape te prechudenpe ko evendaskoro chane e gndipaskoro basho odova sar kamlape te vozinen. Akoda akava bersh o even thaj o iv si hari pogudle taro o hanklo bersh, o shoferija adjikerelalen nekozom chon ate vozinen palo phare evendaskere shartija kolende so kamlape te prilagodinenpe, chivindor thaj e Romane shoferen.

Sar sekova bersh, ko akava vakti shukar bi ovela te dentumen ki gnd ko nekola konsilija thaj nijamija basho odova sar te legarentumen kana ka vozinen palo ivale thana. O sherutne lafija so kamlape te djanenlen si te oveltumen djandipe thaj paziba, a na te oveltumen dar. Numa, angleder sa, but si zaruri tumaro vrdon te ovel soodvetno hazrkerdo basho iv. Na kamlape nit e dentumen ki godina te vozinen djikote tumaro vrdon nanele i soodvetno evendaskiri hazrkerin.

O gume si inportantno kotor tari i oprema basho vrdona, numa isi thaj javera bukja kola so si tumengje zaruri te shaj bezbedno te vozinen.
O shukar brishachija thaj o thavdipa basho kosiba e shovershajbakoro kova so na leduinela kana o temperature si ko minus, si jekajek inportantno basho o dikhiba djikote vozinen. Keren paziba sakana te oveltumen nichalo thavdipa ako djana ko lungo drom, pa djikote si zaruri lentumengje rezervakoro pakuiba. Isto agaar, kamlape te ovel tumen chetka kolaja so ka chistinen o iv taro vrdon.

O andruno kotor e djamengoro taro vrdon obavezno odmaglinkerenlen angleder te ciden. I tati havaja tari ventilacija kamlape direktno te phudel ki shofershajbna te shaj o than e djameskoro te ovel tato ko thavdipa e vozibaskoro. Ako i ventilacija nashti te kerel odova, tegani shukar bi ovela te ovel tumen shuki thaj chisto krpa te shaj te kosen o kotora taro o djamija kola so si zamaglime.

Sakana kana ka vozinen ikeren pazibaskoro duripe taro o vrdona angli tumende, isijbaja pakiv kaj thaj odovada shoferi ikerelape dji ko konsilija. Isto agaar, kana ka perel iv, nashti ka shaj te vozinen e istono sigjaribaja koleja so vozingjen ko normalno shartija. Paluneste palo bangina jali ko nakhiba ki raskrsnica ka oveltumengje popharo.

Ko agor, ko princip, dajatumen konsili o vasteskoro mejnachi djikote vozinen te chivenle ko potikno sigjariba, odma salde so ka resen disavo gudlo sigjarkeriba djikana vozinena.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha