Upreder 30 Romane familije achile bizo chatija upral po shero

ROMI POKRAJ KEJ

O korkori dzivdipa ko supstandardno shartija, ko thana kote soj tano shudro, o improvizirime shatorija kerde taro najlonija thaj taro kartonija, o dzivdipa e Romane familijengoro kola so dzivdinena trujal i len Vardar si but pharo thaj problematikano. Numa, iklile thaj panda but pobare problemija basho akala Roma kola so dzivdinena ko improvizitim e khera trujal i len Vardar.

Pali vakerin e Dizjakiri Skopje, o sahibija e phuvjakoro raskosla o teren kote so dzivdinena sine o Roma, thaj ola avdive achovena bizo nisavi chatija upral p shero. O Roma vakerena kaj akana nanelen kote te dzan te dzivdinena ko javer than.

Dena apel dzi ko nadlezna legarina te arakholpe halojbe, ki te shaj te na achoven ola telal ki pravdi havaja, jazija kolate so ko akala dakikija arakhlovena.

Tari diz Skopje zojrakerena kaj i lokacija raskoselape thaj kaj o improvizirime khera e Romengjere si peravde. O dizjakere legarina vakerena kaj kerelape buti bashi privatno lokacija, thaj kaj o bukja ko akava than e raskosibaskere kerelalen o sahibija e phuvjakoro.

Odothare vakerena kaj, upral baza e kanuneskoro basho sasuitnikano chistluko, rodingje taro o sahibija te raskosel o than.

Akana o sahibija odole thaneskoro trujal i len Vardar kote so dzivdinen upreder taro 30 Romane familije angja decizija te raskosel o than thaj te cidel olengere kolibe, a odova znachinela kaj o pobuter taro 30 Romane familije taro avdive achovena te dzivdinen ko droma.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha