Trin dzene si ratvarde tari bari jag so iklili ko ko S.Orizari

pozar

Ko 22to januari ko rakjakere arija, sakosa thabilo o kher jekhe Romane familjakoro tari komuna Shuto Orizari. 8 dzenengiri Romani familija akana achovena te dzivdinen telal ki pravdi havaja sar so ki jag hasargje sa so sinelen. Ki jag koja so iklili, trujal odova so isi bare materialno zijanija, rojbaske, isi thaj trin ratvarde dzene.

O ratvarde Roma si hospitalizirime ko hospitali SV Naum Ohrideskoro. Taro kher e Romane familijakoro akana achovena salde o nangje thaj peravde duvarija thaj prashine. O mujal jagakere ekipe ko vakti lokaliziringje i jag angleder te shaj i jag te astarel thaj e komshijengoro kher.

Ko korkori than e chipotakoro, lela than thaj o ministeri ki Radza e R.Makedonijakiri thaj o prezidenti ko OPER, o Rajo Nezdet Mustafa kova so dengja piro anglederaniba te shaj i jag te ovel achavdi posigate.

O komshije taro o kher kola so si lepimo uzal o tharo kher kerena sine buti ko saniriba pire kroveskoro thaj ola si ki but bari panika.

I dzandarmerija kergja dikhin numa sapanda na dzanela taro kola sebepija iklili i jag. O kher si ko soptvenost jekhe dzeneskoro kova so si mashkar o ratvarde. O javera dzene e familijakere mashkar kolende si thaj 4 chavore i rat nakhelal ko pire familije.

O ministeriumi basho trud thaj socijalno politika dengja haberi kaj ka del arka e duje familijen tari komuna Shuto Orizari kolengere so khera sine thare.

Tari javer rig, thaj o Ministeri da Mustafa, adzikerelape, sar so dziakana dengja arka basho sa o opozarime Romane familije kola so o jaga thargje olengere khera ko akava chon, kaj akaleda familijake, ko mashkarbutikeriba e Radzaja ka del len arka kolaja so ka shaj te shurakerenpe o saniriba e zijanengoro taro akavada kher.

Inaku, akava chon januari shaj komotno te andinale sar pharo thaj kalo chon basho o Romane familije. Ko istono chon, sem akava kher, jag astargja thaj panda 3in javere Romane familijen, kolendar so jek, okoja so iklili ko Shtip, zijanikergja pobuter Romengjere odaje kola so dzivdinena ko nervno oddeleni e komunakoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha