Trin djene tari Romani familija Amet si ki phari djivdipaskiri chipota pali i eksplozija e plineskere bocakoro ko Drachevo

boca

Trin djene tari i Romani familija Amet kola so sine ratvarde ko dujtodi tari i eksplozija ko Drachevo, mashkar kolende isi thaj djuvli koja so si thari 60% taro olakoro badani sapanda si ki darakeribaskiri chipota thaj arakhlovena ko oddelenie bashi intenzivno arakhin ko hospitali Sv Naum Ohrideskoro, a panda duj javer pacientija Roma kola so sine hospitalizirime ko jek taro o hospitalija si ki te vakerelpe shukar sastipaskiri chipota thaj si prechudime ko Centro basho tharibna ko badani, dela haberi o saslarutno Viktor Kamilovski.

Trujal o panch hospitalizirime ko purano dizjakoro hospitali 2 mursha si hospitalizirime ko klinikakoro centro thaj bashi olenge irati rakjakoro sine vakerdo kaj si ki chukar chipota.

Spremal o avgo haberija kola so sine sikavde, dji ki eksplozija alo ki mangin te montirinelpe o takaribaskoro badani ki plineskiri boca.

Ofto djene Roma kola so lena sine than ki odaja sarine pherdebershengere dzene e familijakere Amet sine ratvarde.

O komshije shungje duj eksplozije.

Ki jag so iklili tari eksplozija thabili i chatija thaj o podrumi e khereskoro thaj agaar i Romani familija Amet akana achile thaj bizi chatija upral po shero.

Oficialno basho odova kote iklilo o problemi thaj sar alo dji ki eksplozija kamlape te sikavel o rodariba thaj o veshtachiba kerdo upral i boca thaj o javera analize kerde upral javera artiklija ko kher.

Taro MVR vakerena kaj o dikhlariba keregjape ko thavdipa e iratutne diveseskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha