Te kerenpe poshukar o shartija basho khera e Romengjere ko Prilep

PRILEP

Te kerenpe proekti basho poshukarkeriba e shartengoro basho khera thaj dizivdipa e Romane dzijaneskoro ko Prilep, konstatiringjape ki shurakeribaskiri studija sar kotor taro proekti e Evropakere Unijakoro anavkerdo sar : “Nijamija basho khera kori o Roma taro Prilep” kova so proekti implementirinelale o Habitat Makedonija thaj o Nacionalno demokratikano instituti.

15% tari I prilepeskiri kupanti Trizla kote so, sherutneste dzivdinena o Roma, nane astarde urbanistikane planencar, nane elektrikani energija, dromeskoro roshalipa, isi biregulurimo trafiko, isi nichalo nashukar lejnakoro korito ki Dabnikani len. Odola si o problemija kola so arakhlepe ki shurakeribaskiri studija basho domuiba e Romanegoro ko Prilep.

I studija e Habitat Makedonijakiri thaj e Nacionalno demokratikane instituteskiri, anketiringja ki peste 600 Romane jerilukija. Dengjepe thaj predlogija basho haloviba e chipotakoro.

Hembaro piro na anglal si kerdo e legalizacijaja. Dziakana o problemi si halovdo ko 47% taro o chipote. O Dizjakere legarina dena ki pakiv kaj trujal obersha ka delpe pobuter milionija evroja basho poshukrakeriba e shartengoro basho dzivdipa ki kupatni Trizla, a ko momenti kerelape baro proekti basho kanalizacijakoro netvorko.

Oficialno, ko Prilep dzivdinena trujal 4500, a naoficialno o numero e Romane dzijaneskoro kola so dzivdinena k oPrilep resela thaj dzi ko 8000. Shurakeribaskere studie basho khera e Romengjere kerenape thaj ko Shtip, Chair thaj Skopje.

You may also like...

Sorry - Comments are closed