Subotica: Iklilo o avgo Romano alavari stransko lafjorencar

RECNIK

Tari shtampa iklilo o avgo Romano Alavari kova so isile ki peste stransko lafjora obajsnibaja len, a o hramovutno oleskoro si o Ali Krasnichi.

– Mi mangin sine te cida o stransko lafija tari amari Romani chip, odoleske soske ko thavdimale nekozom zamanija, i Romani chip sine kerdi telal ko baro lejbe than e stransko lafjorengoro, vakerela o Krasnichi.

O Ali Krasnichi veke 4 decenije khedela materijali basho pire lila sar thaj basho o Alavari ki Romani Srbijakiri chip.

Angleder trin bersha ikalgja thaj o avgo Romano Srbijakoro thaj Srbijakoro Romano alavari kova so ki peste isile salde o hemchista Romane lafjora.

Ov esapinkerela kaj i chip si o hemsveto nahtari sekole jekhe nacionaliteteskoro thaj kaj ako jek dzijani nanele pi chip ov si mulo dzijani.

O avgo Romano Srbijakoro thaj Srbijakoro Romano alavari si sikavdo ko 212 bersh, a i Subotica si i avgo diz ki Srvija kolate so o roma, palo 7 zamanija lele piro alavari, kote so isi pobuter taro 70 mile lafjora.

Inaku, trujal o nevo alavari kote so objasninenape o stransko lafija ki Romani chip, sikavde si thaj nekozom khedime bajke ki Romani thaj ki Srbijakiri chip kola so si avipaja tari Indija, i paraphuv e Romengiri. Spremal o Krasnichi, sa akava kamlape but te anglederanel ko arakhiba e chibjakoro, e kulturakoro thaj e tradicijakoro e Romengiri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha