Storija basho o Romane kupatna ki Topaana – Problemija e kanalizacijaja, edukacijaaj thaj e infrastrukturaja

TOPAANA

O dizutne Roma e kupatnakere ko skopje Topaana rodena normalno shartija basho dzivdipa. Upral funda e anketakoro kerdi upral 736 jerilukija ko akava kotor taro Skopje, chak 33% taro o jerilukija isilen toaleti avrial taro olengere khera, dzikote 32% taro o dizutne kulandinena kupatilo kova so arakhlvoela avrial taro olengoro kher.

Spremal o sikavina khedime taro anketakoro rodariba, hembaro kotor taro o dizutne Roma e Topaanakere isilen khera kola so si ki postapka e legalizacijakiri, dzikote 2% olendar nikana na sinelen piro kher. O sikavina e dizutnengjere basho o problemija kolencar so arakhelape I Topaana si chivde ko butikeriba e Shuakeribaskere studijakoro basho khera e Romengere ki Komuna Chair.

O anketirime dzene rungjepe ko nanipa te ikeren chistluko ki piri kupatni, numa thaj ki nashukarkerdi infrastruktura. Akoda si locirime ko jek thaj tekvash kilometri taro centro e Skopjeskoro, sa o dizutne Roma nanelen avipa dzi ki kanalziacijakiri mreza thaj I istono si bizoplani kerdi e korkorilovencar e dizutnengjere.

I atmosferakiri kanalizacija nane, pa agar o selektiriba akale pajnengoro si prekal pravdi atmosferakiri kanalizacija. Basho o jek kupa numeroskere problemija kolencar so arkahenape o Roma akale kupatnakere si ki gnd thaj taro Habitat Makedonija, kola so kerena thaj buti kerena akava proekti.

– Akaja shurakeribaskiri studija basho khera prekal tereneskoro rodariba thaj chijbe e lokalno jekhina ki korkori hazrkerin e studijakiri potencirinela o prioritetija basho ikeribaskoro urbano bajrovipa e Romane kupatnakoro Topaana ko Chairi, vakerela I Aleksandra Savevska, koordinatorka e proekteskiri. Barabar e ankteakere rodaribaja, ko hazrkeriba e Shurakeribaskere studijakoro kerde si serija taro dikhina e dizutnencar thaj dzevapime dzene tari komuna Chair thaj o nadlezno institucie. Ko odova drom, I butikerdi studija kamlape te ovel taro kulandipa basho zojrakeriba e prioritetno problemengoro e loklano jekhinakere, bashi te shaj te mobilizirinenpe o dizutne ko lejbe than ko provesija e anibaskoro decizija ko lokalno nivelo, numa thaj basho pobaro angaziriba e lokalno legarinengoro.

I shurakeribaskiri studija basho domuiba korio Roma ki Komuna Chair sine promovirimi ko thana e lokalno korkorilegarinakere. O butikerdo dokumenti si kotor taro proekti anavkerdo sar “O nijamija e kherengoro kori o Roma basho ikeribaskoro urbano bajrovipa” kova so si finansirimo tari EU. O proekti implementirinelale o Habitat Makedonija ko mashkarbutikeriba e amalipnencar ROMA SOS taro Prilep, Cherejna taro Shtip thaj Sumnal taro Skopje.

You may also like...

Sorry - Comments are closed