STOP basho paldiba e Romane jerilukongoro tari kupatni Via Idro, Milano!

VIA IDRO MILANO

Ko 10to januari 2016 bersh 30 Romane jerilukija musaj sine te oven paldime taro pire kampija ko than anavkerdo sar Via Idro ko Milano kola so si italijakere rashtrale dzene thaj kola so odothe dzivdinena trujal 30 bersha. Ola isilen shukar legarina pire komshijencar thaj nichale bishalena pire chaven ko odorigaskere siklane. O korkori Roma nashti te haven soske musaj te muken pire khera, soske olengere chave musaj te hasaren piri siklana, pire amalen thaj piro than e dzivdipskoro.

Numa, ki mangin ten a mukelpe te kerelpe odova paldiba e Romengoro, khedime sine 1000 vashramovina thaj upreder 50 manusha direktno bishalge pismo dzi ko dizjakorosherutno ko Milano thaj dzi ko Konsili e dizjakoro te shaj te chinaven o paldiba e Romengoro taro Via Idro!

Thaj ki olengiri vashramovinengiri inicijativa, o Rajo Granelly, o dizjakoro kosnilmeni ko Milano, basho jek vakti chinagja o paldiba e 20 Romane familijengoro taro Via Idro!!! Ko 15to januari ov ka dikhelpe e Romane jerilukoncar thaj e aktivistencar basho o Romano puchiba te shaj te kerel lafi basho olengoro alternativno domuiba, numa epsanikerelape kaj i asavki oleskiri ponuda nane te ovel lelkardi. Isto agar, i diz isila planirimo te paldel e Romen taro panda duj Romane kampija.

Te shaj i inicijativa basho na paldiba e Romengoro taro Via Idro te ovel panda pobari, o chave sikle e Romengere ko akava kotor taro Milano bishalge piro pismo dzi ko dizjakorosherutno e Milaneskoro rodaribaja ten a len lendar thaj ten a palden lendar olengere amalen Roma tari olengiri siklana. Ko mashkar vakti basho o napaldiba e Romengoro taro Idro piri arka thaj inicijativa dena o Roma thaj o Sintija taro Milano sar thaj o ERGO Networko.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha