Stejdepartmeni : Ki Romanija kerelape bari diskriminacija upral o Roma thaj I LGBT jekhin

ДЕПАРТМЕНТ

Spremal o hemnevo havlariba e Stejdepartmeneskoro tari Amerika, kana kerelape lafi basho o phageriba e nijamengoro ki Romanija, nishanikerelape bare nishanija basho o keriba bari diskriminacija upral o preperutne e Romane jekhinakere thaj o dzene kola so perena ki LGBT jekhin, agar so odoleja kerelape panda popharo o agarda olengoro pharo dzivdipa ko margine e sasutinipaskoro.

– But Roma dzivdinena ulavde taro o javera jekhina ko kupatna thaj ko divokerde kupatna, bizo dundavno komunalno shukaripna, sar so si elektrikani energija, pani, kanalizacija thaj avipa dzi ko transport. O Radzakere sikavutne sikavena kaj o bikanuniko ko kupatna si thaj poodori o hembare achovina basho o obezbediba avipa basho o Roma dzi ko shukar domuiba, pani thaj sanitarno shartija ki Romanija.

Javer baro problemi phanlo e Romencar ki Romanija, a nishanikerdo ko hemnevo havlariba basho manushikane nijamija ki Romani tari rig e Amerikakere Stejdepartmeneskiri si I segregacija thaj o bilache shartija bashi edukacija e Romane chavorengiri.

Ko havlariba andinelape kaj akoda o ulavde siklane si nalegalno thaj bikanuneskere, nekozom Roma prijavingje ko biradjakere organizacie kaj olengere chave dzana ko asavke siklane kote so ulavdeste taro javera nacionalitetija dikhlarena o nastavakoro matriali. O Roma, isto agar, isilen problemija thaj e avipaskoro dzi ki buti, vakerelape taro stejdepartmeni.

But taro o Roma nane ki buti thaj olengoro jekhutno avipa dzi ko love si keriba buti ko nalegalno chane, a but olendar mangena devlengje thaj kerena buti ko diva depinije thaj agar naodori, sikavelape ko havlariba.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha