Srbija: I Romani stranka pravdi basho sa o doshperavde thaj chorole

ROMSKA STRANKA

Ko avutne lokalno alosarina ko Nish, i romani stranka “Jekhupa” ka ikljovel korkorutneste, akoda si pravde basho pregovorija, vakerela olakoro prezidenti o Ferhad Sairi. Akaja stranka ko jugo, vakerela ov, gejnela uprder 10 mile dzene, numa odola nane salde Roma numa isi thaj javera doshperavde thaj chorole.

Spremal o lafija e Saiteskere, i stranka tamam akana kamlape te anel decizija dali ka iklovel ko alosarina thaj ko javera nivelija, numa ko lokalno alosarina ka ikljovel sigurno odoleske soske, vakerena tari partija, sekova drom kana ikljovena lena sa pobuter hangija sebepi odova so o Roma prependjarena kaj akaja partija delalen shajdipa te shaj te oven ko jek than thaj te ovel len piro legarutno kova so marelape basho olengere interesija thaj nijamija.

O hembaro problemi e Romengoro si o shartija e dzivdipaskere, i edukacija, o bukjardarnipa thaj o sastipa, sar thaj o bilache socijalno programe, odoleske soske upreder 90% taro o Roma si socijalno zagrozime. O poshukarkeriba akale shartengoro ka ovel amari resarin ko avutno vakti, vakerela o Saiti.

Ov dzivakerela thaj kaj ko 2008 bersh ko lokalno alosarina sinelen trujal 500 hangija, ko 2012 bersh mashkar 800 thaj 900 hangija, numa vakerena kaj sapanda nanelen piro sukavutno ko lokalno khediba odoleske soske, sar so vakerela, ola si manipulirime tari rig e legarinakere.

Numa, amen shajsaraja te tranpuina i gnd amare Romengiri thaj laja sa pobuter numero taro dzene ki amari partija, numa ola nane salde Roma numa isi thaj pobuter rigengoro dzijani, odoleske soske sarine si bokhale te dikhen jek socijalno nijamluko thaj poshukar shartija dzivdipaskere. Odoleske akanaske isiamen 15 komunakere thaj dizjakere ogranokija ko jugo, odoleske soske akate is ii hembari gravitacija thaj Roma, vakerela o prezidenti ki Romani stranka.

Tari akaja partija dena mesazi kaj nane chale taro odova so si kerdo tari Dekada e Romengoro ki Srbija taro vakti taro 2005 dzi ko 2015 bersh thaj dena havlariba kaj ola but baro paziba ka chiven ko mariba mujal i manipulacija e Romane hangoncar tari rig e partijengiri kola so isilen pobuter dzene, ka keren gajla bashi nijamutni nacionalno integracija, bashi legalizacija e Romane kupatnengoro thaj aniba lokalno akciono planija basho poshukar dzivdipa e Romengoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha