Spremal 40% taro o Bugarija, o Roma si o hembaro problemi e rashtrakoro!!!

ROMI BUGARIJA

39% taro o Bugarija esapinkerena kaj o Roma si o hembaro problemi e Bugarijakoro. 50% taro o Bugarija palem isilen mujal gndipa. Akava sikavelale o rodariba kerdo tari rig jek nacionalno studija taro Galup Intenacional.

Ko istono vakti, sapanda, upreder 50% taro o dzene kola so lele than ko akava rodariba esapinkerena kaj o bare zulumija kerenape taro Bugarija, a na taro o Roma, kote so salde 24% taro o javera dzene isilen mujal gndipa. Jek patina taro o puchlarde iklile vakeribaja kaj si ratvarde lichno taro o Roma, a 77% taro Bugarija vakergje kaj nane ratvarde lichno taro Roma.

Kana kerelape sikaviba e Romane integracijakoro 60% taro o puchlarde si kategorikane kaj o Roma nashti te integririnenpe, duri thaj ki chipota kaj isi zorija tari rashtra te shaj te integririnel len. 27% palem esapinkerena kaj o Roma sapanda shaj te oven shukar integririme.

I uchi sikavin e Bugarengiri, spremal kolende so o Roma nashti te integririnenpe, phanli si thaj e nanipaja pakiv dzi ko potenciali e instituciengiri, sikavena taro alup.

57% taro o Bugarija si ko gndipa kaj skoto sa o love taro o rograme bashi integracija e Romengiri chorenape, 30% vakerena kaj nadzanena, a 13% nane ko jek gndipa basho akava zojrakeriba. 25% taro o dzene so lele than ki akaja anketa esapinkerena kaj si hemshukar sa o Roma te oven paldime tari Bugarija, a 57% taro o Bugarija si ko mujal gndipa taro akava. 75% taro o puchlarde si kategorikane kaj o Roma si mukle te gndinenpeske salde kaj isilen pire nijamija, a 13% nane ko jek gndipa akale zojrakeribaja.

34% taro o Bugarija si ko gndipa kaj sine seriozno zakane bsho o etnikano sansari, dzikote 47% si ko mujal gndipa. Spremal 21% taro o Bugarija esapinkerena kaj o legariba dzi ko Roma si nanijamutno, a spremal 62% odova nane agaar. Ko lichno plani edvaj 9% taro o puchlarde vakergje kaj bi prandinenape Romeja jali Romajnaja, a mashkar o etnikane Bugarija akava procenti si salde 4%,

Trujal 70% taro o Bugarija na bi lelakerena te ovel len vaslegarutno, nachalniko ki dzandarmerijakiri stanica, oficeri jali telalprezidenti Rom. 70% si kategorikane panda kaj na bi dena po hango basho Rom, sikavutni tari nesavi partija koja so bi denala ikerin, akoda si sajdimali thaj sakosaskiri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha