SOS telefonija: Ko mariba bashi egzistencija, o Romane thaj o javera jerije nanelen nichalo vakti te nakhaven pe chavencar !!!

Daja haberi dzi ko Romano sasuitnipa kaj spremal o bersheskoro havlariba taro SOS telefoneskiri linija vakerelape kaj, akava bersh o hembaro problemi basho havlariba dzi ko SOS telefonija sine o chorolipa. Ko mariba e chorolipaja, o Romane, numa thaj o javerada jerije nanelen sakana nichalo vakti te ulavenle ko nakhaviba pire chavencar.

– O chave palem dikhibaja akaja chipota esapinkerena kaj ola si duglije te den arka pire jerijen, pa agar, hembut o Romane chave, musaj te ikalen olada nesavo dinari bashi egzitencija kova so dinari hembut drom ikalenale prekal khediba plastika, lila, mangipa devlengje thaj agar naodori.

Uzal sa, ko hembare chipote, hembut o Romane chave, mangjena devlengje thaj odoleja bahrarelape o shajsariba ola te oven kurbanija e hemphare dikhle zulumikulandibaskoro. Akala chave isilen mangin te educirinenpe thaj te ovel len chavoripe sar sap ire amala ko olengere bersha numa o chorolipa kerelalen te osetinenpe pojaver taro o javera chave. Hembut drom ola gndinena kaj nanelen javer so te alosaren thaj kaj olengiri jazija si o nango mariba bashi egzistencija, vakerela ko phandipa taro SOS havlariba.

Ola dena konsili kaj o chave kamlape te osetinenpe arakhle, te halovenpe olengere zarurina thaj te oven lelakerde. Zaruri sit e sikavenpe polokheste te prependjaren pire sesija thaj te denpe takati te keren lafi bashi pire sesija.

O jerije, chivindor thaj e Romen, sakana kamlape te oven ki komunikacija pire chavencar thaj odova si o jekhutno chane te dzanen so si lengje zaruri thaj sar ola osetinenape, sa resarinaja poshukar te funkcionirinen thaj te nashenpe sa o namangle achovina.

Sa resarinaja te tiknarelpe thaj te delpe prevencija e agresijatar thaj e atakostar kamlape te kerelpe senzibilizacija e jerijengiri thaj o chave basho o chanija e mashkarolengere lafikeribaskoro, aavipa dzi ko dzandipna basho bizo takateskoro halojbe e konfliktengoro mashkar o jerije thaj o chave, bajrariba e herbaplukongoro bashi mashkarpumari tolerancija, empatija thaj aniba sansareskoro educiriba ko siklane.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha