Sojuzi e Romengoro: Achovaja ki koalicija e VMRO DPMNEja thaj adzikeraja baro triunfi ko lokalno alosarina

СРМ

O Sojuzi e ROmengoro si registririmo politikakoro subjekti kova so egzistirinela ki makedonijakiri politikakiri scena panda taro 1996 bersh, so kerela lafi basho olakoro serioznost thaj o shukar politike kola so legargjalen ko anglunto vakti.

O chachikane politike thaj o chachikane halovina kola so angjepe ko nakhle bersha kerena lafi kaj o Sojuzi e ROmengoro tari Makedonija si reriozno partija thaj sekoja olakiri decizija bazirinelape ko odredena analize thaj lungovakteskere lafikerina andre ko structure e korkori partijakere.

Sebepi basho akava amaro demanti si I vakerin e poangutne prezidenteskoro ki komunakiri organizacija e Sojuzeskoro e Romengoro taro Makedonija, o rajo Ashmet Osmanovski kova so akana si konsilmeni ki lokalno korkorilegarin ki komuna Kumanovo kaj o komunakoro ogranok e Sojuzeskoro e Romengoro taro Kumanovo kolektivno dengje peske mukin.

O rajo Osmanovski si razmuklo panda ko 25to dekemvri 2016 bersh e decizijaja e Izvrshno odboreskoro e partijakoro jekajek e shereja 26 taro Statusi e partijakoro sebepi oleskoro apstiniriba taro parlamentarno alosarina kola so ikergjepe ko 11to dekemvri 2016 bersh thaj o na chalaribaskere esapija tari komuna Kumanovo, agar so akava oleskoro pres thaj oleskiri vaktin nanelen nisavo legitimiteti.

Ko oleskoro than si chivdo o V.D. prezidenti o Rajo Nedzat Mehmedi kova so ko nakhlo vakti konsolidiringja I buti ki komunakiri organizacija e Sojuzeskiri e Romengoro ko Kumanovo thaj I decizija basho kandidati basho konsilmeni e rajoskoiri Srgan Rashiti si andi ko jekajek hango e Statuteja e partijakoro thaj dijek ankete kerde mashkar o dzene thaj o simpatizerija taro Sojuzi e Romengoro tari Makedonija ko Kumanovo.

Ko istono vakti daja haberi e sakosaskere makedonijakere sasuitnipa kaj o Sojuzi e Romengoro tari Makedonija achovela ki pakiv ki piri politika sar so sine thaj angleder hem akavada drom ko lokalno alosarina amen koalicirinaja e VMRO DPMNEja thaj adzikeraja sar thaj dziakana te la baro triunfi thaj te triunfirinel I koalicija bashi Poshukar Makedonija.

You may also like...

Sorry - Comments are closed