Shurakergja I kampanja basho lokalno alosarina: O Roma ka hanguinen bashi programa ili basho popularnost ???

ELVIS KUCO

Avdive thaj oficialno ki R.Makedonija shurakerela I kampanja basho lokalno alosarina. Taro avdive o dizutne ka ovel len shajdipe te len than ko but bare numeroskere mitingjija so o partije thaj o pojekhutne kandidatija ka organizirinenlen trujal I sasti Makedonija.

Ki komuna Shuto Orizari basho o bersh oficialno isiamen duj Romane kandidatija basho dizjakeresherutne pire konsilengere listaja, sar so si o Elvis Bajram taro SRM thaj o Kurto Dudush taro nichija e SDSMeskere.

Odovada sebepi amen e Romencar avdive kergjam anketa kolen so mangjlam te puchalen dali o Roma si hazrlije basho hanguiba thaj dali po hango ka denle basho kandidati kova so ka ovel le I hemshukar programa koja so ka nudinel la basho o Roma ko avutne 4 bersha, jali palem o Roma ka den po hango bizi nisavi prgrama t.e. basho o popopularno kandidati.

Sem o Rajo Kurto Dudush taro SDSM thaj o Elvis Bajram taro SRM, ko akale bersheskiri prastin pali komuna Shuto Orizari isi duj kandidatija taro Albanijakoro Bloko, jek taro DUJ thaj o dujto tari BESA.

 

O Roma e Shutkakere definitivno si hazrlije te den po hango bashi I poshukar programa, programa koja so ka anel tranpe basho poshukar taisa sa e dizutnengje.

Rodena taro nevo gradonachalniko ki piri programa te ovel le ko angledikhiba keriba banke ki shutka, mestipa o droma thaj o kanalizacije thaj o pajna, keriba but infrastrukturakere proektija thaj bajrariba e kapaciteteskoro taro pretprijatija ki komuna kola so ka den shajdipa e terne Romengje te keren buti ki piri komuna, a n ate nashen olatar thaj te dzan ki Evropa.

Jekhe lafeja, o kandidatija thaj olengere programe kamlape te oven but barvale, dzikote nekoj mangjela te ovel o avutno dat e komunakoro Shuto Orizari.

You may also like...

Sorry - Comments are closed