Sebepi o nanipa dokumentija, but khera ki Srbija shaj te achoven bizi legalizacija

LEGALIZACIJ

O kanuni basho legaliziriba e divo kerde kherengoro ki Srbija si but shukar, vakerena o odorigaskere Romane organizacije. Numa, adzikerelape kaj pobuter taro 100 mile Roma kola so dzivdinena ko bilegalizirime khera, shaj te achoven bizi odoja legalizacija sebepi so nanelen nisavo purano papiri koleja so ka sikaven kaj o than si olengoro.

Sebepi so nanelen validno papirija kaj o khera taro nakhle zamanija si lengere, adzikerelape bizi legalizacija te achoven but Romane khera kola so si kerde ko diva Romane kupatna ki Srbija.

– Sekova jek kher musaj te ovel le papiri taro piro placi, a akate e Romen odova nanelen. Te gejba sarinende nashti te gejna ni 10 Romane khera kola so isilen odova papiri, kova so ka sikaven papireja kaj odova than e dzivdipaskoro si olengoro, vakerela i Najla Ramadanovch, sikavutni tari Romani organizacija.

– Naneamen parno ko kalo, vakerava kaj odova nikana ni na sinejamen, shaj mire rametlije baba thaj papo sinelen nesavo papiri, numa akana odola purane papirija si shaj hasarde, nadzanava, vakerela o Mehmed Ismailovich, Rom tari Srbija.

Tari diz Nish vakerena kaj sekova dizutne, bizo te dikhelpe olengoro etnikano preperiba shaj te legalizirinel piro kher ako phejrarela sa o shartija. Ko Romane kupatna akale dizjakere but taro o Roma na phejrarena sa o zarurina.

– Nane kerdi peticija, i phuv na legarelape upral o anav e gazdengoro, t.e. e sherutne dzenengoro kola so dzivdinena ko odola Romane khera, agar so anglederdikhava kaj odova ka ovel baro problemi, vakerela o Dragan Milanovich, taro urbanistikano kotor e dizjakoro Nish.

Paluno problemi adzikerelape te sikaven o khera ki kupatni Loli cheren, odoleske soske baro kotor olendar si kerde ko thana e nekanaskere ciglanakoro, koja so veke na kerela buti. O Roma mangjena te achoven peske odothe, odoleske soske vakerena kaj odola pire khera kergjelen bershencar nakhavde ko dertija te shaj te kerenlen.

Ko agor, o kanuni basho legaliziriba e kherengoro kola so si diva kerde si validno jek bersh, thaj ako o Roma na legaliziringje pire khera, taro dizja vakerena kaj ka avel olengoro perajbe.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha