SDSM: Rodaja te delpe arka basho o opozarime Romane familije !!! Diz Skopje: Veke shurakergjam inicijativa bashi lovengiri arka !!!

GRAD SKOPJE

– O trin familije taro Shuto Orizari, kolengere so khera thabile ki jag si ko droma. O konsili e Dizjakoro Skopje musaj te sikavel piro solidariteti. Rodaja o Konsili e Dizjakoro Skopje te del arka amare sodizutnengje kola so si ki phari chipota. Kerelape kafi bashi jek familija kolengoro so kher thabilo angleder 10 divesa thaj basho duj familije kolengjere so khera thabile po angle. Rodaja o konsili e Dizjakoro skopje te anel decizija basho opredeliba e jerigakere lovengere arkakoro basho o sotrin familije taro po 50 mile denarija.

Ko anav taro SDSM, asavke rodaribaja iklili i Sanja Zinzirova, konsilmenka ko Konsili e Dizjakoro Skopje. Oj rodingja nukta basho anglederaniba decizija bashi lovengiri arka te ovel chivdi ko diveskoro niche e avgo avutne beshlarinakoro e Konsileskiri, koja so kamlape te ikerelpe avdive. I konsilmenka taro SDSM dengja ki gnd kaj o pobuterdzejnipa ko Konsili angje bare numeroskere decizije basho milionsko duglipa thaj rascudiba e lovengoro basho barokono fasade thaj proektija, a amari sherutni phandin sar konsilmenija si o interesija e dizutnengje.

Nuka ki akaja reakcija iklili i Diz Skopje, pire reakcijaja kote so vakerela pe olengje na kamlape dijek kova so ka del len ki gnd te shaj te agorkeren piri buti thaj te den arka sa e dizutnengje tari diz Skopje, a bizo angleder odova te frdelpe chalmi basho asavko diso. Avdive o dizjakorosherutno ki Dizj Skopje, o Koce Trajanovski, dikhlape e dizutnencar kolengere so khera thabile ki jag ko nakhle divesa ko Shuto Orizari. Ov sebepi lengoro organiziringja sostanok, kote so mashkar o javer, angjape phanlolafi te shaj o zijanikerde dizutne, taro o trin Romane familije taro Shuto Orizari, te den piri zarureskiri dokumentacija, te shaj hemgechi dzi avdive te delpe lengje finansisko arka ko legariba taro 50 mile denarija sekole jekhe familijake.

Numa kozom sa o trin familije si dende haberi, thaj dali ola predengje piri zarureskiri dokumentacija te shaj o sotrin familije te len odoja socijalno arka, sapanda nane dendo haberi.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha