Sar o bizokhereskere Roma te haljoven piro khereskoro problemi ???

РОМИ ПОД КАЛЕ

O chorolipa thaj poodori achovela jek taro o hemkergje problemija e Romengjere thaj javera ki phuv. Na salde okola so nane ki buti, numa thaj shukar kotor taro o dizutne kola so si ko bukjarno odnos nashti te ovel len kvalitetno dzivdipa.

O Ahmeti Shakirovski si Rom thaj si salde jek taro o dizutne kola so bershencar kerela zorija te shaj te haljovel piro khereskoro puchiba basho piro jeriluko.

Ov isile romni thaj 5 chave. O hemphuro isile 19 bersh thaj sekova dive kherena plasitikakere shishija taro kontejnerija. O Shakirovski vakerela kaj 7 bersh kerela buti ki kozakiri indostrija, numa oleskiri choneskiri plata, vakerela kaj na reselale nit e hal. – Ki buti sijum, a nashti te avav dzi ko piro kher.

Kerava buti ki privatno firma ki kozakiri indistrija. Dzivdinava teleder o Kale thaj na apliciringjum basho stani, 11 mile denarencar sar te aplicirinav, vakerela o Shakirovski.

Taro MTSP rodena halojbe, sar te delpe arka akel manushenge. I Ministerka Carovska vakerela kaj ki programa e Radzakiri anglederdikhlo si socijalno stanija te denpe e dzenengje taro socijalno riziko, kola so ka dzivdinen ki olende sa dzikana na tegjovena ko pire pire. Sar so ka oven ekonomijakere takatlime ka musaj te premuken o stani basho javer dzene kola so si ko socijalno riziko, vakerela I Carovska.

– Ka kerav zorija te anav kanuni basho bizokherengjere manusha thaj te obezbedinav e dizutnengje te kulandinen o stanbeno jekhina kerde tari rig e rashtrakiri, lokalno korkorilegarin, o centrija basho socijalno bukja, numa sa dzikana na avena ko ekonomijakoro takati. Ko dakiko kana ka poshukarkerelpe olengiri ekonomijakiri chipota jali kana ka oven materijalno obezbedime tegani ka muken o stani. Dali ka kinen peske stani jali ka dzan telal ki kirija na dzanva, numa ka musaj te muken odova stani basho javera pozagrozime dizutne, dzivakerela I Carovska.

O dizutne kola so si bizo khera kola so kergje peske improvizirime khera teleder o Kale, basho jek vakti ka oven chivde ko Vizbegovo, kote so ka kerenpe lengje shukar khera. Akaja si I radjakiri decizija palo rodiba e Romengoro kola so dzivdinena teleder o Kale, dena haberi taro kabineti e ministereskoro bizo resori, Samka Ibraimovski.

O korkori Roma lelakergje odothe te oven chivde akava even. Ka ovel khera, thaj ka ovel len o fundavno shartija basho dzivdipa, pani, struja, parno, thaj avipaskere droma. Odoja lokacija si veke anglederandi. I radja angja decizija thaj odothe ka mestinenpe odola objektija, a taro avutno bersh ka shurakergja e sakosaskere halovibaja akale problemeskoro, vakergja thaj o Samka Ibraimovski.

You may also like...

Sorry - Comments are closed