Sa pohari buti basho o Roma ko Kumanovo

kumanovo romi

Akana isi hem Makedoncija hem Albancija kola so chinena kashta, a poangle salde amen o Roma chinaja sine, akana odova kotor maro ulavajale, vakerela jek Rom kova so adjikerela khoni te akharel le te shaj te kerel phari buti ko centro e Kumanoveskoro. I Kumanoveskiri tumba kolate so o bukjarne Roma taro javinakere arija adjikerena sine khoni te akharel len bashi bilo savi buti, veke odamno na postoinela. Numa, odova so rodenale o bukjarne, ko javer kotor taro o centro e dizjakoro pobuter taro duj decenie nilaj thaj even, kana phudela, dela brshim jali phudela bavlal, pire alatencar, sekova dive redinenape thaj adjikerena buti. A i buti thaj ikaliba idare sa pohari isi, vakerena o Roma thaj djivakerena kaj thaj olenda halalen i nalojalno konkurencija, korkori kerena niche, moldija basho usluge, a taro o love so ikalenalen parvarena pire familijen thaj kinena po jekajek vakteskere alatija.

– Adjikeraja basho chiniba kashta, numa nane buti. But si skupo, 3300 denarija si o bukovo kash, but si skupo. Amen laja 150 denarija taro jek kubiko. Nashti te djivdina salde tari akaja buti. Keraja buti pobuter taro 20 bersha, bari familija sijam than nashti te djivdina agaar, vakerela o 43 bershengoro Shefket Redzepovski thaj djivakerela kaj odamna basho chiniba e kashtengoro na kulandinelape o tovera, numa isi motoreskere pile, a angleder jek bersh iklile thaj cirkularija, so znachinela kaj pobuter nashti ikalena disavo denari basho te pharaven o kashta tovereja.

– O manusha pobuter rodena te kera buti cirkulareja, na kerela but gunoj, na hardzinela o kash, numa amengje na ispukinelape, vakerela ov. Me pobuter taro 15 bersha kerava buti, numa buti sar poangle nane. Thaj i kriza basho kashta si skupo. Tari javer rig but amala sijam, te shaj te na maraamen, ten a koshaamen, keraja amengje jek eidencija, keraja jek niche, trujal i moldija phandaja amare lafija, konkurencija isi, nekoj hovavelaamen kaj isile 15 a isile 20 kubikija. Numa nane kote te dja. Keraja buti katastrofalno. Nane poshukare, nane kote te dja. Akava si salde 3 chona thaj palo odova nane veke, vakerena o Roma.

– Nane sar poangle kana ko dive chinaja sine po 100 kubikija. Akana isi thaj Makedocnija thaj Albancija kola so chinena kashta, a poangle sijam sine salde amen o Roma, akana odovada kotor maro ulavajale lencar, vakerela o 37 bershengoro Elvir Iseni, dat trine chavengoro.
– Odole lovencar kamlape te pukinav o pani da i struja da. Neka arakhen mangje so bilo buti, me ka kerav buti te shaj te nakhavav o chon, a palo odova te ovel man thaj penzija. Nane buti sar poangle, odoleske thaj o manushada shurakerena ten a mangjepe masher pumende, vakerena o Roma thaj ko sitono vakti po dikhiba iranenale dji ko djene so nakhena, te dikhen ten a rodel len dijek te keren buti.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha