RROMA: Akhariba basho lejbe than ko proekti: “Shukar praktike basho o terne Roma basho olengoro aktivno dizuitnipa”

РРОМА

I Regionalno Romani Edukacijakiri Tetnikani Asocijacija taro Kratovo sikavela kahariba basho lejbe than ko proekti anavkerdo sar: “Shukar praktike basho o terne Roma basho olengoro aktivno dizuitnipa”, kova so si dendo ikerin tari I programa Erazmus plus e Evropakere komisijakiri.

Akava bilateralno amalipa e Amaro Foroja taro Berlin isile bashi resarin te bajrarel o lejbe than e ternengoro Roma ko evropakere edukacijakere programe thaj mobilnost, sar thaj ko naformalno educiriba. O proekti ka del shajdipa e dzenen kola so ka len than te sikljoven, te ulaven thaj te tranpuinen dzandipna ko drom e naformalno edukacijakoro, numa thaj te zojrakerenpe sar aktivno dizutne ko mariba mujal o rasizmo, ksenofobija thaj anticiganizmo ko moderno sasuitnipa.

O proekti kerelape taro pobuter aktivitetija, mashkar kolende thaj mobilnost mashkar RROMA thaj Amaro Foro ki Makedonija thaj Germanija, lokalno aktivitetija lengarde thaj organizirime taro o kotkotri terne thaj agar naodori.

O mobilnostija ka kerenpe ko:

6to dzi ko 12to marti 2017 bersh ko Kratovo, Makedonija thaj ko 2to Juni 2017 bersh ko Berlin, Germanija, a o keriba e ternikane kupengoro, planija thaj aktivitetija ka kerenpe taro mart dzi ko augusto 2017 bersh.

Ko proekti shaj lena than:

-terne Roma thaj na Roma mashkarsikle thaj studentija taro 16 dzi ko 26 bersha,
-terne kola so nane ki edukacija, buti jali obuka,
-anglunipa ka ovel e ternen kolengje so akava proekti ka ovel lengje avgo Erazmus plus dzandipa,
-te ovel len mangipa te ulaven dzandipa thaj buti ki kupa,
-te keren buti ko multi-kulturakere thana, bizo angleder bilache chivde gndina!
-te ovel len nishale pendjariba e anglikane chibjakoro basho komuniciriba!
-te oven rahatlime thaj dostapna nasho o duj mobilnostija ki Makedonija thaj Germanija;
-te ovel len validno pasaporti basho phiriba, hemhari 6 chonengere validiteteja sar so ka iranenpe tari Germanija!

Daja haberi kaj sa o hardzina ka oven ucharde tari rig e organizatorengiri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha