Romano Them: Ka Paldenpe o Roma taro pire khera ko Milano – Italija

MILANO

O milaneskere legarina ki Italija veke dengje hango kaj ko 10to januari ka palden 20 Romane jerilukija kola so djivdinena ki kupatni Via Idro, kote so djivdinena veke 30 bersha.

O Roma akale shukar kupatnakoro akate si veke pobuter taro duj decenije thaj kergjepeske shukar legarina pire komshijencar thaj e trujalime stanovnikoncar, a olengere chave nichaleste djana ki siklana. Sarine si italijakere dizutne, a but olendar si Roma kola so achile djivde taro vakti e koncentraciono logorengoro basho vakti e fashizmoskoro ki Italija.

Bash sebepi sa akala bukja o Roma nashti te haven soske musaj te muken pire khera thaj soske olengere chave musaj te ikalenpe tari siklana thaj te hasaren piro siklojbaskoro bersh.

Akaja inportantno thaj rojbaskoro haberi denale tari Romani them.

Ola panda andinena kaj ko piro hemnevo ikaliba sar emisija ka keren lafi thaj basho o phagerdiba Romane manushikane nijamengoro kola so arakhlovena ki teritorija e Francijakiri ko thavdipa e 2015 bersheskoro.

Ko thavdipa e palune trine chonengiri taro o nakhlo bersh, 4767 Roma tari rig e lokalno francijakere legarinengiri ko takati sine paldime taro 42 thana. Sebepi o nalegalno kupatna, 100 Roma musaj sine te djanpeske. Ko 42 takatlime paldime familije tari rig e legarinengiri ko 11 chipote sine lengje dendo shajsariba te oven chivde ko alternativno thana djivdipaske.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha