Romano sportisti tari Bugarija kova so ko pre achovela salde jekhe banichkaja ko dive

SPORTIST

Ka pakjan jali na numa akava si chachipa. Isiamen amaro Romano sportisti tari Bugarija kova so ko pre achovela salde jekhe banichkaja ko dive. Kerelape lafi basho amaro chavo kova so dzivdinela ki Romani mahala Dobrich ki Bugarija.

Kerelape lafi basho sportisti kova so dzivdinela kop hare chorolipaskere shartija numa, ko istono vakti si sportisti kova so palo pre pike isile kerdo bare resarina ko drom e atletikakoro.

I Tv ekipa tari emisija “Topilnica” ki Bugarija arakhlape akale Roamne chaveja tari Romani mahala ko Dobrich.

Ov barabar pire amalencar thaj kolegija sekova dive kerena phare treningija ko istono nivelo, numa bashi hemin olestar so o dive nakhavelale po jekhe banichkaja ko dive, oleskere kolegija isilen but pobare ekonomijakere shajsarina olestar.

Ov e atletikaja poseriozno shurakergja te kerel buti taro pire 20 bersha a na sikavela leske sine nisavi achovin oleskiri bilachi ekonomijakiri chipota taro o keriba bare resarina thaj lelakeriba but numeroskere peharija kop o anav.

Akoda desinelape but drom sar diveskoro hajbe te ovel le salde jek banichka jali pita, ov isile bari mangin te dzal poodori pire sporteja, odoleske soske bashi oleske odova si o jekhutno chane te ikljovel tari i rota e chorolipaskoro kolate so akana dzivdinela barabar pire jerijencar.

Ko jek akaja tv paramis kamlape te sikavelpe thaj sar motivacija plus basho sa o Romane chave kola so isilen talenti palo sporti, muzika thaj javera nauke. Kamlape te dzanen kaj ako mangelape tegani sa shaj te resarelpe, tumengje achovela salde te chiven tumare gogjate tumare lungo vaktskere adzikerina taro tumaro talenti, a palo odova sa ka avel korkori kop o than thaj salde naporno bukjaja bizo te dikhelpe palal shaj te resen dzi ko but bare sukcesi.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha