ROMA S.O.S: Merena daja ko bijaniba, isili nesavo dzevapluko?!

RODILKI

I diz Prilep si ko shok palo o haberi basho meriba e 21 bershengere dajakoro ko bijamiba koja so muli ko hospitali 12 arija palo bijaniba, sar so angleder ko sumnal angja sast mursh chavo. Olakere jerije doshalkerena kaj kerelape lafi basho o namarlivost e saslarutnengoro.

Reakcijaja iklile thaj taro Romano amalipa ROM S.O.S. taro Prilep kotar so sikavena piri chachikani gajla bashi i paluni chipota ki jek kupa taro meribaskere chipote taro daja palo olengoro bijaniba kola so ikljovena ko hospitali ko palune nekozom bersha. Tari Roma SOS vakerena kaj i chipota si gajleskoro thaj alarmantno, a ko palune chipe sapanda achvela bizo havibaskoro sar palo o “sukcesivno bijankeriba” alo dzi ko meriba e dajakoro.

Palo “sukcesino bijankeriba” ko 2010 bersh trin daja kola so bijangje basho vakti taro trin chon mule palo so ale seriozno astarina bashi rekonstrukcija e oddelenieskoro thaj poshukar keriba e shartengoro basho o pacientkje thaj olengere neve bijande chave. Sa o doshalkerde saslarutne agorkergje rahatlibaskere adalateskere decizijencar, sharteskere jali lovengere djezencar, thaj taro ni jek saslarutno nane lestar lendi i mukin te kerel buti. Ko mashkarvakti mule thaj nekozom neve bijande chave, chivindor thaj e Romanen, telal ko sumliba ko trujalipna kola so na sine nichaleste aktuelna ko sasuitnipa, a ko 2014 bersh ko vakti taro nekozom chona o ginekologijakoro oddelenie achilo bizo saslarutne specijalistija, kana o ginekolozija tari Bitola chinavgje i mashkarbutikerin e hospitaleja, a o dzuvlja so kamlape sine te bijanen, chivindor thaj nekozom Romajna, sine prebishalde basho bijaniba ki Komuna Bitola, vakerena taro Romano amalipa ROMA S.O.S. taro Prilep.

Ola dena apel dzi ko nadlezna institucie ko hemsig vakti te zojrakeren o tamam ebepija basho meriba, a palo odova te rodenle o dzevapluko taro o dzene so kerengje o “bangjina” odoleske soske o problemi si sistemsko thaj musaj te arakhelpe cachikano halojbe basho nakhaviba akale chipotengoro.

O sherutno taro prilepeskoro hospitali “Borka Taleski”palo o reakcije taro ROMA SOS zojrakerena kaj tari rig e saslarutnengiri sine prelende sa o sig napija sar so i chipota e pacintkakiri uli pobilachi.

Inaku, o prilepeskoro hospitali si kerdo angleder pobuter taro 30 bersha, a ki oleste denape sastipaskere arakhina basho upreder taro 200 mile dizutne taro polungo regioni e Prilepeskoro, Krushevo thaj Makedonijakoro Brodi.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha