ROMA S.O.S.: 8to MART 2017 – But shukar shajsarin basho amalipa thaj keriba diskusija bashi I chipota e Romane dzuvljakiri

8mi mart

Ko 8to Mart 2017 bersh o Romano dizutnikano amalipa ROMA SOS taro Prilep organiziringje jek but shukar amalipa thaj keriba diskusija bashi I chipota e Romane dzuvljakiri thaj I mashkarpumari diskriminacija koja so generaciencar kerela achovina te tranpuinen diso ko piro dzivdipa.

Ki akaja 8to marteskiri diskusija kergjape lafi ko nekozom teme sar so si:

1. Ako I daj sinela pharo dzivdipa thaj prandingjape javinakoro, I chan na musaj o istono te kerel le odoleske soske salde agar musaj et ovel o niche. Nichel sit e halovelpe kaj o chaja dzi ko 18 bersha sapanda si chave!

2. Ako I sasuj sine maltretirimi sar bori, namusaj akana oj te maltretirinel e romnja pire chaveskiri salde odoleske soske agar kamlape te ovel. Kamlape I sasuij te arakhel e bojra odoleske soske thaj oja da si dzuvlji!

3. Ako I chaj prandingjape javinakoro, na musaj odma te achovel khamin, te bijanel bizikontgrola thaj te mukel piri edukacija. Kamlape te dzal poodori te ulozinel upral peste sa dzikana na resela shartija basho hazrlija dzivdipa!

4. Ako I bori mangjela te ovel arakhli taro abortus, na musaj I sasuj te darakerel la e medicinakere konsilencar kolengje so oj korkori na dzanela so znachinena.

Kamlape te shunenpe o mesazija e saslarutnengjere kola so hemshukar dzanena sar bajrovela thaj reagirinela o organizmo!

Ki diskusija posvetimi basho dive e dzuvljakoro 8to april koja so organiziringjala I B.O. ROMA SOS taro Prilep phanlape kaj, kamlape te delpe shajsariba e terne chajengje te sfatinen kaj sem I dzivdipaskiri resarin – te prandinenpe, isi thaj javera resarina upral kola so ola musaj te gndinen, a odova si I edukacija, bukajrdarnipa, shukar sastipa thaj NA basho atakija!

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha