Roma pashakerde bashi Makedonija, Mujal o kanuni bashi albanijakiri chip, basho vashramoviba e dzijaneskoro

ром

O predlog kanuni basho kulandiba e albanijakere chibjakoro dela privilegie thaj anglutkeriba salde jekhe etnikane jekhinake. Odoleske pulisaraja kaj akava kanuni ikljovela taro pervazija e dizutnikane thaj demokratikane koncepteskoro so si mujal o principija thaj o nachela kola so arakhlovena ko Ohrideskoro ramkovno phanlolafi kotar so ikljovena o predloziba akale kanuneskoro, reagirinena tari partija Roma pashakerde bashi Makedonija.

– E asavke pireja basho ikljoviba taro pervazija e Ohrideskere ramkovno phanlelafeskoro kerelape jek percepcija basho keriba nevo phanlolafi avrial taro o isijbaskoro, kote so I Romani jekhin, a thaj o javera na lenape ko anglederdikhiba. O ROM sikavela piri gajla ko kotor taro o zijanija kola so bi anglederanelalen o keriba akale kanuneskoro dzi ki Romani jekhin sar so si: simantririba ko edukacijakoro procesi taro angledersikljovibaskoro dzi ko tercialno nivelo e zarurinaja taro sikljoviba e albanijakere chibjakoro so znachinela phagerdiba e nijameskoro basho alosarina, tiknariba e konkurencijakoro ko kurko e zoreskoro ko privatno thaj ko sasuitnikane sektorija sebepi o aniba e dzipherde sharteskoro basho pendjariba e albanijakiri chip, palalgaravdi, numa kotakati asimilacija e Romane jekhinakoro koja so dzivdinela ko komune kote so dominiribaskoro dizuitnipa si o albancija.

– Odoleske soske naneamen sasuitnikano tasfiri bashi I struktura basho akava predlog kanuni kana kerelape lafi basho odova dali kerelape ladi basho dujto ramkovno phanlilafi jali diso javer, rodaja precizno thaj jasno definiriba sa e nuktengoro kola so si anglederdikhle basho keriba akale predlog kanuneskoro koleja so ka shajsarelpe pojaasniba e bukjakoro dali ko akava predlog kanuni si chivde thaj o javera etnikane jekhina jali palem sijam ande dzi ki chipota kote so o javera potikne etnikane jekhina ka kamlape te alosaren dali ka lelakeren I platforma jekhe etnikane jekhinakere jali palem odova ka znachinel keriba jekhe neve platformakoro kolate so ka oven astarde o javera potikne etnikuimija kola so dzivdinena ki R.Makedonija.

Spremal amende, jekhutni thaj chachikano halojbe basho te funkcionirinel thaj te ovel realno akava kanuni sar thaj I dendi sar ponuda platforma dikhajale ko keriba nevo vashramoviba e dzijaneskoro kova so ka ovel kerdo prekal kreiriba neve anglutnkerde metodologijakoro basho evidentiriba e dzijaneskoro prekal elektronsko sofisticirimo sofstveri, sa resarinaja te lelpe realno thaj cachikano numero taro sa o etnikane jekhina ki R.Makedonija, dena haberi taro ROM, I partija koja so si ki koalicija e VMRO DPMNEja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha