Resla arka tari komuna Shtip basho 14 Romane jerilukija kola so achile bizo chatija upral o shero

STIP 2

Salde dakikija sine ko puchiba basho o djivdipa e khamne romnjakoro Rufie Osmanova ki nevebersheskiri rat angleder i ekvashirat, djikana i jagali stihija bizomilost unishtinela sine i zgrada e nekanaskere Nervno oddelenieskiri ko Shtip, kote so djivdinela pire 6 chavencar thaj pire romeja. Oj sine ko sig ingardi ko Klinikakoro hospitali. Nekozom dakikija pali ekvash i rat bijangja pire 7to maksme. I Valerija si i avgo bijami chaj ko Shtip basho 2016 bersh.

– Sine but darakeribaskoro. I jag sine na podur taro jek metro amendar thaj sine bari rad kaj amenda ka tharelamen. Bashi baht posigate sine miro rom thaj oleskoro pral thaj takseja lengjargjeman ko hospitali. Bijandiljum 15 dakikija pali ekvashirat. Bijangjum chaj. Akana miro jeriluko djivdinela ki mi daj, vakergja i daj e avgobijame shtipjankoakoro, i Rufie Osmanova. Telal ko jagleneskere grede na djivdinelape, ko jek hango si o zijanikerde 14 romane familije.

I komuna kerela shartija basho jekvateskoro, numa thaj sakanaskoro halojbe amare problemeskoro. – O detalno urbanistikano plani bashi i mashkardizjakiri kupatni Cherejna tranpuingjamle. Odote si planirimo te kerelpe zgrada 100 stanencar koja so ka ovel kerdi basho o socijalo bizokhereskere jerilukija.

I investicija ka koshtinel duj milionija evroja, a o Ministeri ki Radja e R.Makedonijkiri o Rajo Nezdet Mustafa taro o budjeti e Romane dekadakoro ka olavel pobuter taro ekvash tari i suma te shaj te kerelpe odoja zgrada. O Romane organizacie o divesa ko sig vakti khedena shukarmanginakere sredstvija basho te shaj te arakhelpe savo tei halojbe basho o muke e 40 djenengere kola so achile bizo chatija upral o shero.

– Ko momenti o prbolemi e smestibaja e zijanikerde jerlukongoro halovajale olengere jekvakteskere djivdipaja ko olengere jerije thaj amala. Ko istonovakti daja apel dji ko sa o dizutne djikote shaj ki piri shukarmangin te donirinen materijalno sredstvija, te den hajbe, tate sheja, posteline, kjebe, numa thaj pokuknina, vakerga o Erol Ademov tari Lokalno Korkorilegarin Shtip.

100 mile evroncar ko bersh hardjina ki esapin e Komunakiri Shtip, 40 Roamne familije trito bersh ko niche basho jek vakti chivenape te djivdinena ko nekanaskere hospitaleskere kompleks zgrade. O havlariba basho keriba nevi zgrada bi ovela sakanaskoro halojbe basho 80 shtipeskere sozijalno zagrozime bizokhereskere jerilukija. Kolendar 50 si taro Romano nacionaliteti.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha