REF: Basho 20% si bajrardo o numero e Romane chavengoro kola so agorkerena mashkaruni siklana ki Ungarija

HUMNGARIJA

Trujal 20% taro o Romano minioriteti ki Ungarija akana agorkerena mashkaruni edukacija thaj polozinena matursko puchlariba, vakerena taro Romano Edukativno Fondi.

Keribaja lafi ki rashtrakiri televizija M1, i Judit Szira vakergja kaj akava numero si sikavutno basho phandipa e jazoskoro ko edukacijakere esapija mashkar o Roma thaj o na Roma. O lejbe than e Romane diplomirime studentengoro ko Ungarijakere univerzitetija, isto agar, si basho duj drom pobaro.

Bari arka basho akala resarina isi e Romane Edukativno Fonde. O REF sem so delalen lovengiri arka basho te ucharen pire siklanakere hardzina o mashkar sikle Roma , ola isto agar, dela finansisko arka thaj e terne Romen kola so vizitkerena koledzi thaj univerzitetija dejbajalen bersheskiri stipendija taro 300 evroja.

O bajrariba e numeroskoro taro o Roma kola so dzana ko uche edukacijakere khera si taro baro kulandiba, odoleske soske o bajrovipa e elitno Romane etnikane kupakoro sikavelape sar jek but shukar egzampli thaj basho o javera avutne generacije tao o Roma, vakergja i rajoni Szira.

Aktivno ko 16 phuvja, o Romano edukacijakoro fondi isto agar chivela ki buti trujal 1000 terne Romen ko pervazija e hemime programengere, o bukjardarnipa kerenale sar dzipherdo napi trujal o organiziriba e bajrovipaskere proektengoro basho o chave ko baripe taro avrial taro nicheskere kupe basho sikljoviba, sar thaj dela arka ko lejbe than ko chibjakere kursija basho o poterne kupe taro o Romane sikle.

O fondi bashi edukacija e Romengiri REF si kerdo ko pervazija e Dekadakoro basho lejbe than e Romengoro ko 2005 bersh thaj oleskiri misija thaj agorutni resarin si te phandel o jazi jali o hemiina ko edukacijakere resarina mashkar o Roma thaj o na Roma.

Sa resarinaja te resarn akaja resarin, i organizacija dela ikerin ko politikakere programe kola so obezbedinena kvalitetno edukacija basho o Roma, chijbaja akate thaj i desegregacija ko edukacijakoro sistemi.

Inaku, o Roma ki Ungarija lena than taro 5 dzi ko 10% taro o sakosaskoro dizuitnipa e phuvjakoro thaj sakana ola si seriozno diskriminirime kana kerelape lafi basho olengoro avipa dzi ki edukacija, sastipaskiri arakhin thaj bukjardarnipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha