Raskoslo thaj peravdo o hembaro Romano kampi ko Pariz

ROMI FRANCIJA

Spremal o havlariba sikavdo ko nabutnakhlo vakti, ko thavdipa e 2015 besheskoro sine evakuirime trujal 11 mile Roma taro olengere diva kupatna ki Francija, bizo te delpe lengje poshukar khereskoro halojbe.

O francijakere legarina e decizijaja e adalateskiri irati shurakergje thaj te evakuirinen o hembaro Romano kampi ko Pariz, kote so dzivdinena trujal 300 Roma.
O kampi arakhlovela ko sever taro Pariz, ki mukli sastrnali linija ko agar vakerdo “Tikni kustik”. I decizija bashi evakuacija si andi taro adalati palo o rodariba e rashtrakere sastrnale stanicakoro, koja so si sahibija odole thaneskoro.

O francijakere legarina peravgje 135 kolibe kote so dzivdinena sine saste jerilukija kop hare chistlukoskere shartija thaj nashukar takaribaja, so sine darakeribaskere kaj ki sekoja dakika shaj te ikljol ki olende disavi katastrofa taro pozar jali slichno.

Ko vashramoviba kerdo taro o legarina o nakhlo kurko, sine andimo kaj ki kupatni dzivdinena 73 ratvarde dzene, kolendar so 18 si chave kola so dzana sine ki siklana, a palo odova sine vakerdo kaj isi 4 chipote e nasvalengere tari tuberkoloza.

Irati ko bizo milost peravgjepe odola kolibe odole Romane familijengjere, thaj ola akanaske sapanda nane haberi kote ka dzivdinen. Pobuter taro 300 Romane familije akana achovela te dzivdinen telal ki pravdi havaja sa dzikote na arakhelape lengje soodvetno dzivdipaskere thaj khereskere shartija, ako voopshto isi mangin basho diso asavko.

Spremal o havlariba sikavdo ko nabutnakhlo vakti, ko thavdipa e 2015 besheskoro sine evakuirime trujal 11 mile Roma taro olengere diva kupatna ki Francija, bizo te delpe lengje poshukar khereskoro halojbe.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha