Puchlam e Romen: Ko so dikhovela I Shutka kana perena bare brhima???

ШУТКА

O divesa I diz Skopje, kote so perela thaj I Romanida kupatni Shuto Orizari arakhlovela telal ko brani taro bare brshima thaj shemshekija kola so sa pobuter avena ko akshameskere vaktija.

O Roma si o sherutne dzene sakana amare anketakere, thaj agar avdiveda sine kotor tari amari anketa o Roma e Shutkakere kolen so mangjlam te puchalen o puchiba: Ko so dikhovela I Shutka kana perena asavke bare brshima?

Nekola olendar vakergje kaj o divesa olengere droma dikhindile sar I len nil, a palem o dizutne taro drom Drinska ko Shuto Orizari vakergja kaj olengoro drom dikhindilo sar I len Drin.

Sar hem d ate ovel, sapanda o Roma e Shutkakere zojrakerena kaj sine lengje but pharo akala nekozom divesa, kana pele bare brhima basho odova sar te arakhen halojbe e pajnengje kola so bizo nisavo milost khuvgje ko olengere odaje, podrumija thaj salonija e dzvidipaskere.

Rovena kaj I komuna bershencar napalal na prelela nisave napija te halovelpe akava problemi agar so vakerena kaj o hemtelune droma taro Shuto Orizari sakana kana perena asavke bare brshima si poplavime.

Dali I nevi atmosfeesko analizacija ka shajsarel te del arka ki sasti akaja chipota, thaj kozom ka ovel la kapaciteti te khedel e shutkakere pajna kana dena asavke bare brshima achovela te dikha.

Bizo lafija achavela thaj o sikavba kaj o keriba e atmosfersko kanalizacijakoro dzala but bavno, so znachinela kaj ako akava chon avena panda asavke bare brshima, o Roma palem ka poplavinen.

Sem so I stmosfersko kanalizacija ki shutka so nane shukar thaj si o hembaro problemi so khedena pajna ko droma thaj khuvena ko khera e romengjere, jek taro o bare problemija si thaj olengere nashukar kerde krovija, pa o asavke bare brshima anena I zarurin ko sekova kher te postavinenpe nekozom kofe kote so o pani taro tavani ka thavdel ko odola kofe.

Bare si o problemija e Romengjere kana dena asavke bare brdhima, a spremal o meteorolija anglederdikhelape kaj akava chon ka oven but dromeskere o asavke brshima.

You may also like...

Sorry - Comments are closed