Puchaja e Romen: Ka kerelpe li nevi Radja basho sig vakti ?!?

vlada

Ka kerelpe li I nevi Radja e R.Makedonijakiri mashkar o SDSM thaj DUI sar so angleder akava na shajsargja te kerelpe mashkar o duj tiunferija ko alosarina, t.e. VMRO DPMNE thaj DUI.

Dali o lelakeriba e predlogoskoro basho o chibja, jali albanijakiri chip tari rig e SDSMeskiri thaj DUI sikavela shajsarina kaj dzi ko agor taro o akava chon, t.e. ko avgo divesa taro o chon mart ka kerelpe nevi radja. Akala sine o puchina kola so puchlam e Romen tari komuna Shuto Orizari.

K mashkar vakti dzikana o SDSM thaj o DUI vakerena kaj si pashe dzi ko phandiba pumare lafengoro thaj dejbe o albanijakere deputatengere vashramovina basho keriba nevi Radja legardi taro SDSM, tari javer rig taro VMRO DPMNE gndinena kaj I SDSM kerela sa o zorija te shaj te avel dzi ko legariba, pa hem kerela shajsarina te redefinirinel e Rashtra thaj te kerel defaktorizacija upral o Makedonijakoro dzijani, thaj andinena kaj sekoja decizija koja so ka zijankere o interesija e dizutnengjere thaj e rashtrakere, o VMRO DPMNE sar bedemi ka terjovel thaj ka marelpe mujal olende ki koja bilo forma thaj ki koja bilo chipota.

Znachinela li akava kaj ako alope dzi ko keriba nevi radja, kaj sapanda I politikakiri kriza ki R.Makdonija ka dzal thaj poodori te lel than, thaj agar ka nashti te avelpe dzi ki agorutni resarin e dizutnengiri, a odoja si keriba reforme spremal o Pribe thaj prajbe o drom dzi ki EU thaj NATO integracija e R.Makedonijakiri.

Sar so shaj sine te shuna, kotor taro o Roma si optimistija numa kotor si pesimistija kaj shaj te kerelpe I nevi radja, numa sarine si ko jek hango kaj akaja radja te kerelpe jali na ka ovel but tikne vakteja, thaj vakerena kaj neve alosarina hemshukar ka definirinen koj shaj nijameja te legarel e R.Makedonijaja.

Tari javer rig, arakholvaja ko vaktija kana kamlape te oven vashramovime o lokalno jali dizjakere sherutnengjere alosarina, kolas o dena ki pakiv kaj o zorja te kerelpe nevi radja ka oven pobare, sa resarinaja te ovel Radja koja so ka vashramovinel o lokalno alosarina.

Spremal o lafija e SDSMeskere thaj DUI hembut pakjalape I jazija e neve Radjakiri ka dzanelpe jali dzi ko Panchtodi, kana o DUI ka keren panda jek mashkarutno Prezidentvoskoro beshlariba, kote so ka definirinenpe thaj o javera nukte sem I albanijakiri chip, jali palem dzi ko avgo divesa taro o chon Mart, agar sar so avdive tari Bosna thaj Hercegovina dengja ko lafi o legarutno e SDSMeskoro, Zoran Zaev.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha