Protestija mujal o Roma basho sansareskoro dzivdipa ki kupatni “11to Oktomvri”

11 ОКТОМВРИ

Na keraja diskriminacija upral baza e etnikane thaj e pakajbaskere preperibaskoro, numa pulisaraja kaj isiamen nijami te dzivdina ko rahati, vakerena o dizutne taro 11to Oktomvri.

Avdive taro 17 dzi ko 18 o ari o dizutne tari urbano jekhin “11to Oktomvri – barake”, ko Skopje, blokiringje o drom Boris Trajkovski pire vrdonencar ki te shaj prekal odova te sikaven piro bichalipa dzi ko institucie kola so na prelena khanchi ki te shaj te arakhenpe taro avipa ko olengoro dzivdipaskoro than te dzivdinen trujal 20 Roma taro purane barake e Pelagonijakere, kola so, spremal lende, sekova dive phagerena o niche thaj o sansari.

– Pulisaraja kaj isiamen nijami ko jek sansareskoro, bezbediteteskoro, chisto thaj urbano dzivdipa kko ekologijakere chsta thana sar sa o dizutne e R.Makedonijakere. Akaleja na keraja diskriminacija upral funda e etnikane thaj pakajbaskere preperibaskoro, na tiknaraja o inportantnost e preperutnengoro e Romane jekhinakere, numa pulsaraja kaj isiamen nijami te dzivdina ko amare khera ko sansari, vakerena o dizutne, mangipaja te na muken e Romen taro purane barake tari Pelagonija te aven te dzivdinen ki olende.

Ola dena haberi kaj shurakeribaja taro maj 2016 bersh dengje duj peticie dzi ki Komuna Kisela Voda thaj havlariba dzi ko Ministeriumi basho trud thaj socijalno bukja thaj decidno sikavgje o problemi kova so veke jek bersh isilen o dizutne akale kupatnakere.

– Kerelape buti basho problemija kola so sar avgo si negarutno artiklo basho amare chave, sar egzampli olengjere Romane chave lena ki peste havaja taro lepako kola so chave khuvena rahatlimeste ko nekaskere avlina kote so kerena thaj choriba, sekoja rat tharena plaastikakere materie kolendar so na sijam ko shajsariba te dishina jali te ikljova ko amare avlina.

But dromeskere si o phagerdipna e sasutikane nicheskoro thaj sansari e mukibaja bare hangoskiri muzika dzi ko gechi rakjakere arija koleske so pobuter drom dengam haberi ki Urbano jekhin 11to Oktomvri – barake, sar thaj ki dzandarmerijakiri stanica Kisela Voda, vakerena o dizutne sikavibaja bari namangin ko olengoro pashipa pobuter te dzivdinen o Roma.

Ola panda vakerena kaj si razocharime taro indolentno legariba e strukturengoro kola so si duglije basho akava kotor, odoleske soske na shajsarelape te kulandinenpe o pridobivke o dizutne kola so dzivdinena ko pire khera thaj avlina.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha