Programa bashi integracija e terne romnengoro thaj chaja taro etnikane minioritetija te len than ko kurko e zoreskoro

PROEKT ZA ZENI

Ko 17to fevruari 2016 bersh ko hoteli Kontinental ko Skopje, shurakeribaja taro 11:00 o ari, ikergjape o avgot ari jek kupa taro 6 promotivno chiopte, koja so chipota nishanikergja shuru e proekteskoro anavkerdo sar “Integririba e etnikane minioritetengoro, bare nishaneja ko Roma, te len than ko kurko e zoreskoro prekal vazdiba olengjere potencijaleskoro basho bukjardarnipa” dendo finansisko arka tari Evropakiri Unija. Ki chipote rodelape sine than pobuter, a lele than pobuter taro 35 dzene, sikavutne taro dizutnikane organizacie, komune, privatno kotora, sar thaj terne dzene tari sasti phuv. I chipota organiziringjala i Fondacija basho Petprijemnishtko servisi basho terne, jek taro o hempurane akterija ki dizutnikani scena basho bajrovipa e pretprijemnishtvoskoro ko mashkarbutikeriba e komunaja Gazi Baba. Avdive i istono promotivno akcija sine sikavdi thaj ki Romani komuna Shuto Orizari sar thaj ki komuna Saraj.

Ki chipota sine sikavdi i planirimi barvali programa koja so ka kerelpe phanlo e avgust choneja 2017 bersh, a sa o zainteresirime ka shaj te arakhen o relevantno haberija ki veb rig: www.pretpriemac.mk. I programa si pravdi basho o terne dzene, chivindor thaj e Romen taro 15 dzi ko 29 bersha, thaj dzuvlja, chivindor thaj e Romane dzuvlen, stidentke thaj bizi buti, palune fokuseja ko etnikane minioritetija tari sasti rashtra.

Sarine so ka prijavinenpe ka ovel len shajdipa te len than ko: obuke basho bukjardarnipa thaj korkoribukjardarnipa, obuke basho shurakeriba biznis, kreirimo dejbe konsili, mentorsko arija, IT kursija, kursija pali anglikani chip, bukjarni praktika ko pobuter kompanie, kreativno bukjarne ofisija, online kursija basho bajrariba e dzandipnengoro thaj lansiriba e ikeribaskere platformakoro basho educiriba, zojrakeriba e obuchivachengoro taro dizutnikane organizacie, biznis planija thaj finansisko iekrin taro 3000 evroja baso 5 biznis idee.

O aktivitetija ka shurakeren taroa vutno chon (mart 2016), pravde akharibaja basho prijaviba e dzenengoro, chivindor thaj e Romen soske preperena ko nacionalno minioriteti. O akhariba isto agar ka ovel sikavdo ko portali www.pretpriemac.mk.

O preoekti kerelale i Fondacija basho Pretprijemibaskoro servisi basho terne, o ZIP Instituti, i Romani Organizacija basho dzuvlja “Daja” sar thaj i Fondacija Future 21. I sherutni resarin e proekteskiri si te fokusirinel o procesi i integriribaskoro kori o terne dzene thaj dzuvlja taro etnikane minioritetija ki phuv te ovel pobuer chivdo dzi ko bajrariba olengere lejbaskoro than ko kurko e zoreskoro. O proekti si finansirimo tari Evropakiri unija ko legariba taro 127.870 evroja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha