Proekti basho domuiba e Romane jekhinakoro ko Kichevo

КОЦАНИ

Kola problemija steginena e Romen taro Kichevo ko kotor e domuibaskoro, kamlape te sikavel o puchibaskoro lil kova so si kotor taro proekti anavkerdo sar “Domuiba – piro anglal dzi ko poshukar avutnipa e Romane jekhinakoro”.

Spremal o koordinatori e proekteskoro Idaver Redzeposki, o puchlaribaskoro lil sine kerdo 30 divesa ko kupatna ko Kichevo kote so dzivdinena o Roma.

O proekti implementirinenale o amalipna Nacionalno Romano centro taro Kumanovo thaj Avena taro Kochani, a telalimplementatorija si I organizacija e Roman eterne dzenengiri “Parno kher” taro Kichevo.

O proekti kova so prekal leste ka shajsarelpe normalno dzivdipa e Romengje ko shukar domuibaskere shartija ko Kichevo si finansirimo tari EU thaj kerelpe 6 chona, taro 15to januari dzi ko 15to juli 2017 bersh.

E proekteja anavkerdo sar “Domuiba – piro anblal dzi ko poshukar avutnipa e Romane jekhinakoro”, anglederdikhlo si organiziriba thaj trin informativno bukjarne ofisija basho o manusha kola so isilen problemi e domuibaja.

Ko odola trin informativno bukjarne ofisija than ka len sikavutne taro institucie ko lokalno nivelo sa resarinaja te arakholpe halojbe than nakhaviba e problemeskoro.

You may also like...

Sorry - Comments are closed