Prilep: Obuke basho Roma basho bajrovipa olengjere pretprijemnichko seseskoro !!!

ПРЕТПРИЈЕМНИШТВО

Ko Prilep ikergjape obuka basho zojrakeriba e biznis – pretprijemibaskere thaj komunikacijakere herbaplukija e Romengere kola so isilen aplicirimo ko napi taro AVRM basho korkoribukjardarnipa.

Organizatorija e chipotakere si I B.O. “Romani asvi” kotar so sikavgje kaj pakjana kaj akala obuke basho pretprijemnishtvo thaj basho neve biznisija ka anglederanen ko avutnipa te zojrakerelpe o pretprijemichko sesi thaj kaj ka zojrakerel I ekonomijakiri chipota e dizutnengiri taro Romano nacionaliteti. O proekti anavkerdo sar “Adekvatno avipa e Romengoro ko kurko e zoreskoro”, si finansirimo tari EU.

– Ko pervazija akale proekteskoro ikergjepe 3 motivacijakere bukjarne ofisija thaj duj focus kupe kote so sinealen lendo than taro 45 dzene. Ko focus kupe sherutneste kergjape lafi basho o problemija e Romengjere trujal o proceso e rodaribaskoro buti, a ko pervazija e motivacijakere bukjarne ofisengoro kergjam lafi basho odova sar o Roma te motivirinenpe te shaj te len than ko aktivno napija taro operativno plani e Radjakoro e R.M. Chale sijam taro esapija, isiamen 5 neve aplikantija basho o napi korkoribukjardarnipa, kolendar so chtar nakhle I avgo faza thaj pakjaja kaj ka resen dzi ki finalno alosarin thaj kaj ka praven pire neve biznisija, a o veke isijbaskere biznismenija pakjaja kaj ka investirinen ko olengoro bajrovipa, sa resarinaja te khuven ki buti javera Roma, a odoleja ka zojrakerelpe thaj I ekonomijakiri chipota e Romane nacionaliteteskiri, vakergja o Kirshan Mamudovski, tari B.O. “Romani asvi”.

– Akava si jek but shukar proekti bashi edukacija e Romane populacijakoro, koja so sa pobuter dzala ko prajbe piro korkori biznisi prekal I programa e Radjakiri. Akala si but shukar shajsarina te sikhloven sar poodori te bajraren o biznisi, sar te shaj te achoven thaj sar te chiven javere manushen ki buti. I edukacija si sakana prioriteti hem e lokalno korkorilegarinakoro thaj odoleske daja ikerin k oakava proekti. Amen thaj poodori sakana ka da ikerin ko asavke proektija kola so ka den arka e Romen, vakergja o Marjan Risteski, dizjakorosherutno ko Prilep.

You may also like...

Sorry - Comments are closed