Prekal o proekti “Inkluzija e chavengiri Roma ko sasuitnikane chavorikane ustanove” 4.150 Romane chavore si chivde ko angledersikljovnakoro educiriba

МТСП

Ko na but nakhlo vakti o Miniseriumi basho trud thaj socijalno politika ikergja dikhin e sherutnencar, vospituvachija, sikavutne e edinicengere e lokalno korkorilegarinakere thaj sikavutne taro biradjakere organizacije chivde ko proekti “Inkluzija e chavorengiri Roma ko sasuitnikane chavorikane ustanove”.

Anaveja, o proekti “Inkluzija e chavengiri Roma ko JOUDG” si jekhutno proekti e Ministeriumeskoro bashi trud thaj socijalno politika,prekal ki komponenta Dekada e Romengiri, o Romano edukativno fondi thaj o edinice e lokalno korkorielgarinakere

I sherutni resarin sit e poshukarkerelpe thaj te delpe ikerin bashi integracija thaj tiknariba e premukibaskoro e Romane chavorengoro e bajraribaja o numero e chavengoro Roma kola so si chivde ko sasuitnikane komunakere ustanove chavorikane gradinke, duj besha angleder te ciden ki fundavno edukacija.

– Trujal sa o nakhle bersha ki mashkarbutikerin e Romane edukativno fondeja, deluinaja ko zojrakeriba e mashkarbutikerinakoro e edinicencar e lokalno korkorilegarinakoro, neguvatelke, medijatorija, o jerije ki te shaj ko agor te resa efekti e bajraribaskoro o numero e chavorengoro Roma kola so vizitkerena gradinka.

Dzi ko akava momenti, potamameste dzi ko siklojbaskoro 2015 dzi ko 2016 bersh, shaj te frda chalumi e numeroja taro 4.150 chave Roma kola so lena than ko angledersikljovnakoro educiriba, thaj panda po inportantno baro procenti olendar, chak 82% dzana thaj poodori te hramonenpe ki fundavno edukacija, vakerena taro Ministeriumi bashi trud thaj socijalno politika thaj dzivakerena kaj I integracija e chavorengiri Roma nane o jekhutno procesi thaj musaj te phandelpe e gndipaja kori sekova jek jerija.

– Angledersharti si o chave na salde te vizitkeren I gradinka, numa nichaleste thaj sasto dive te oven chivde ki olate. Odoleske amaro kurbanluko sit e arakhenpe soovetno metodi basho aktivno angaziriba e jerijengoro prekal hemime bukajrne ofisija thaj sesije. O sesije “Tumari paramiz”, “O motivacijakere bukjarne ofisija e jekhinaja”, ka oven amaro prioriteti thaj o avutno vakti, vakerela o ministeri basho trud thaj socijalno politika.

Ki dikhin sine vakerdo panda kaj dziakana ko nichalo bukjarno vakti si chivde ki buti 19 Romane neguvatelke, sar thaj odova kaj ko siklojbaskoro 2016 dzi ko 2017 bersh planirinelape te oven astarde 650 chave prekal ko proekti.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha