Prekal dive bare khama a prekal I rat brshima… So prelena sar napija o Roma mujal akala vakteskere tranpe ???

sonce

Dikhindor ko save tate diveskere vaktija nakla o telalhavajakoro than e dizjakoro Skopje, chivindor thaj e komuna Shuto Orizari, amen avdive amare romencar manglam te kera lafi ki anketa telal ki tema: So prelena sar napija o Roma te shaj prekal ko dive te arakhenpe taro o bare khameskere zrakija.

O Roma vakerena kaj mangjena ola ili na, ola musaj sekova dive te ikljoven ko kurko te keren buti thaj ola, o pazardzije, si bash odola kola so si hembut drom chivde te ikljoven ko thana kote so o khama direktno marenalen ko badani.

Ola vakerena kaj o hemshukar napi so kamlape te len le sit e na ikljon avrial ko odola tate vaktija, numa ki odoja chipota ola kamlape te alsoaren ili te han maro, ili te beshen khere hem te na ikljon nigde, dikhindor kaj ako na iklile ko kurko te keren but nene te ovel len nisavo idare ko pire khera.

Pa agar, te shaj te arakhenpe taro khama, o Roma so bikinena ko kurko e sutkakoro kinenapeske shishirija, naocharija, pajna thaj pajnale bukja, shatorija, chadorija thaj agar naodori, thaj agar kozom tei arakhenape taro kham.

Interesno sikaviba akava bersh si so kaj ako sasto dive isi bare khama, I rat sar ka phene ladunela o ile e Romengjere odova so perela brshim, so ko akava kotor taro o Roma dikhena shukaripa, a kotor olendar sebepi o sastipa vakerena kaj odola tranpe ko vakti si but bilache.

 

O Roma e shutkakere a thaj amenda sar Romano mediumi daja kosili e Romen te shaj te dzan ko saslarutne thaj te konsultirinenpe so kamlape te han, so kamlape te pijen thaj save napija te prelen mujal o tate vaktija kolende so arakhajaamen.

Mangaja te vazda o gndipa basho inportnantost te rodelpe konsilija ko saslarutne kori o Roma, thaj te chinavelpe I tradicija te dzalpe ko saslarutno salde kana sijam butt nasvale.

Daja konsilija e Romen te shunen odola saslarutnengere konsilija thaj re arakhenpe, odoleske soske o vikend savo so si angli amende ka anel temperature thaj pouche taro 30 digre celzjusovija prekal o dive.

You may also like...

Sorry - Comments are closed