Pravdo pismo dzi ko Aleksandar Vuchik: Achoven te doshperaven e Romane koordinatoren!

VUCIK

O koordinatori basho Romane puchina taro Odzaci, Miroslav Ilik hramongja pravdo pismo dzi ko premieri e R.Srbijakoro thaj o legarutno e Srpsko progresivno partijakoro Aleksandar Buchik.

Ko pismo hramonela:

– Sajdimaleja prezidenti e Radjakoro e R.Srbijakoro. Hramonava tumengje ko akava chane odoleske soske ko pojaver chane nashti te avav dzi tumende.

Ko ikerdo bukjarno ofici ko Odzaci e manusheja koleskoro so anav namangjava te andinavle, numa basho I buti e Romencar thaj ov da si trujal Tumende, kova mangela te kerel politike e atakoskere thaj doshperavina upral I Romani jekhin, dzikote na dena piro hango basho SNS. Sijum ko rojbe sebepi o asavke politike, ne na margjuman barabarutneste bashi asavki politika, kolake so sigurno sijum kaj thaj tumenda nane te denla ikerin.

Sebepi o asavko legariba dzi ko amare dzene me bishalavatumengje napalal miri partijakiri knishka.

Tumendar rodava ark ate denman ikerin te shaj te dzav thaj poodori te kerav buti basho miro dzijani thaj te chinavelpe e doshkeravinencar e Romane koordinatorengoro odoleske soske odova bukjarno than si ispolitizirimo.

Me mangava te ovav taro kulandipa me dzijaneske, a na amaro dzijani te ovel taro kulandipa amengje. Tumen dzanena sar dzivdinaja amen o Roma thaj kaj mangaja te chinava pobuter o dzivdipa te marelamen. Adzikerva kaj o SNS ka tergjovel palo o Roma thaj olengere problemija thaj babararutneste te halovenepe numa mande dukhalaman so o manusha so si ki amari partija kerena buti mujal odova, odoleske soske kana manglum te sikavav jek problemi e Romengoro gelum ko jek duvari taro manusha kola so nanelen kana basho o Romane problemija. Sikavelape kaj isiamen budjeti ki Kancelarija basho Romane puvhina a ko agor taro bersh nane dendo ni 50% taro o strestvija kola so si dende basho o Roma.

Akaleja mangava te vakerav kaj ki partija ko Odzaci isi thaj shukar manusha thaj odola si odola kola so taro 2009 bersh kergje thaj vazdingje I partija, numa nanelen ingerencie te den arka ni mangje ni mire dzijaneske ki resarin koja so isilen angli peste.
Pakjava rajo Aleksandar Bichik, kaj ka drabaren akava miro lafikeriba dzi tumende, kaj ka ovel tut halojbe thaj ka prelen pozitivno pire basho halojbe akale problemengoro e Romane koordinatorengoro thaj amare jekhinakoro, tergjovela o hramomo psimo e rajoskoro Miroslav Ilik.

You may also like...

Sorry - Comments are closed