Phage o inprovizirime khera e Romengjere trujal i Len Vardar, o Roma iklile ko protest angli Radza e R.Makedonijakiri

PROTEST

Upreder 50 Romane familije Roma, kola so dzivdinena sine ko pire inprovizirime khera trujal i len Vardar erat ka soven teleder i pravdi havaja. Olen ko avdisutno sbaj ushtakergjalen i mehanizacija koja so sine arkaja taro advokati, a spremal o zojrakerina e dizutnengoro, ola ale nalogoja basho perajbe e kherengoro tari komuna Centro, trujal i len Vardar.

O Roma kola so iklile te protestirine mujal akaja decizija angli i Radja e R.Makedonijakiri priznainena kaj i phuv kolate so ola dzivdinena kaj nane ko olengoro sahibiluko, numa vakerena kaj javer alternativa akana sem o droma nanelen. Ola angli i Radja rodingje arakhin tari rashtra, odoleske soske sar so vakerena, javer kher nanelen.

– Vakergje amengje te premestinaamen 4-5 metre thaj amen premestingjamamen. Ale irati hem vakergje amengje kaj ni odothe na smejnaja, thaj akana amen sijam avrial barabar amare chavencar, o barake si peravde, nane kote te dza. Nadzanava kaj ka dza, ako na arakhelape halojbe bashi amengje, amen ka achova angli i Radza. Erat ka sova avrial, vakergja jek taro o roma so protestiringje.

– Musaj khoni tari Radja te prelel napija bashi amengje. Amen sijam 20 bersha teleder o Kale, ko droma. Dali stanija, dali javer diso, so da te ovel uglavno amen te ova smestime neokte. Adzikeraja tari Radja te den amen arka, vakergja javer Rom.

Tari komuna Centar vakerena kaj nane nalog basho perajbe e barakengoro teleder o kale. Ola bishalena e Romen piri arka te rodenla angli i Diz Skopje.

Tari diz Skopje palem vakerena kaj i lokacija koja so raskoselape taro o Romane improvizirime khera si ko privatno vasta thaj e sahibijaske dendo si leske nalog upral funda e chlenoskiri 18 taro Kanuni basho sasuitnikano chistulko te peravel i parcela.

– Spremal amare dodjandipna avdive raskoselape i privatno parcela kova so raskosela o sahibija e phuvjakoro, vakerelape ko vakeriba tari Diz Skopje.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha