Panda jek Rom mulo ko phanlipa: Ake kola si o sebepija basho oleskoro meriba !!!

МУЛО КО ЗАТВОР

Angleder nekozom divesa prelengargjape o haberi basho jek chavoro, terno chavoro, kova so nasinele pobuter taro 25 bersha, Rom, kova so oleskoro badana taro phanlipa ko Shtip sine ikaldo ko sanduko.

Sar ka phene sar praktika lelape upral o Romane phanle dzene te chivenlen ko phanlipa thaj bizo nihari gajla te mudarenlen, jali mukenalen bizo saslarutnegoro dikhlariba. Ko agor o sherutne ikljovena havlaribaja, pendjarde voobichaeno vakerinencar ko lengere shefsko stilija: taslilo ki kofa pajneja, umlavgjape ko dzami jali ko plakari, mulo ko drumo dzi ko hospitali, jali predoziringjape drogaja.

Odola si o vakerina olendar, kola so prelegarenape ko sasuitnipa, a o chachipa si surovo, dukhavdo thaj tragichno. Mudarenalen taro mariba, lena lender o hajbe, doshperavenalen basho bilo koja usluga, o nasvale taro rako, epilepsija thaj taro javera nasvalipna, bare molibaja, duri palo nekozom divesa lena po jek hapi bashi duk thaj odova strogo analgin. Numa, ola, vakerena, taro odova ilhachi ni I duk chinavgjola, ni pa delape lengje arka.

Agaar, angleder nekozom divesa, palo o sikavdo statusi e adalatkerde Romane chaveskoro Erdal Useinov, ko 25 bershengoro baripa, ikalgje oleskoro mulo badani taro phanlipa ko tabuti.

Ov si Rom kova so sine adalatkerdo ko 5 bershengoro phanlipa nasvalo tari epilepsija.

Oleskere amala prelegarena kaj o sherutno e phanliapskoro dengja vakrin basho o chavo kaj, navodno, predoziringjape, a odova na sine nisar tamam.

– Ov si Rom, oja, numa sarine sijam jekhutne ki akaja phuv. O chavo rodingja arka taro sherutno, numa nisar na sine leske dendi. Ov angleder duj divesa, vakergja leske kaj nane leske khanchi. Kana mukla molba thaj dzi ko saslarutno, ov irangjape leske e avutne lafencar: So dukhalaman mo kova bashi tuke, tu gndineja li bashi mangje, avrial, kana choreja sine?

Ko 21to mart o bersh, o Romano terno sar asvi chavo basho paluno drom rodingja arka taro phanlipaskoro saslarutno thaj taro o uniformencar dzene, numa na sine leske dendo, a nipalem sine akhardi Sig arka. Veke duj divesa sine leske bilache, numa khoni khanchi na prelela sine. O uniformencar dzene asana leske sine thaj denale sine konsilija te hal jemishi, a o terno Rom na sinele love ni basho pani mo chorolo, a na palem basho jemishi jali basho ilachija te kine, ki te shaj te lel terapija. Odova sakana bashi leske sine luksuzno buti. Eke, odova si ko tikne lafija o chachipa basho o meriba panda jekhe terne chaveskoro Romaen avipaja taro shup ko horror phanlipa, kova so angleder nekozom divesa mulo ko javinakere arija thaj mukla pire hem manglen, bizo te selaminkerelpe olencar.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha