Palo 10 bersha o legende taro GYPSY KINGS iranenape ko Belgrad !!!

GIPSY-KINGS

Ko 31to Mart 2017 bersh o legendarno bendi Gupsy Kings, iranenape ko belgrad palo 10 bersha kote so ka keren piro koncerti. O fantastichno hemiba e tradicionalno glamengo stileskoro latinsko ritmikaja kergja e bende Gypsy Kings te oven sumnaleskoro fenomeni thaj chachikane thagarutne ki muzikakiri scena.

Ko Belgrad, ko 31to mart, olengere hitija sar so si: Volare, Bamboleo, Baila Me thaj o javera, ka keren chachikani jag e shukar raspolozibaskiri.

O Romano bendi Gypsy Kings si jek taro o retka umentikija ki historija e muzikakiri kola so gndingje thaj kergje univerzalno muzikakoro stili. Palo 6 Gremi nominacie ki kategorija “World Music” ola ko 2014 bersh lele akava baro pusako basho olengoro albumi anaveja “Savor Flamenco”.

Ko nakhle 28 bersha, o Romano bendi kergje jek kupa sumnaleskere turnee thaj bikindile pobuter taro 25 milionija olengere albumija. Olengere gilja si pendjarde trujl o sasto sumnal thaj dodzivdingje jek kupa obrabotke.

Olengoro senzacionalno sukcesi ko sa o meridijanija si duglipa hemanglal olengere originalno avipa dzi ko strogo profesionalno nijamija kola so rodelalen o tradicionalno flamenco.

But hari dzene si ki gnd kaj jek taro o osnovopoloznikija e avdusitne stileskoro taro bendi Gypsy Kings o Manitas de Plata, koleskoro chachikano anav si Ricardo Baliardo, sapanda si jek taro o hembare gitaristija sa e vaktengere.

Odoleske soske o prepelgnariba e dzandipaskoro palo akava muzikakoro stipi taro generacie ko generacie si kotor tari Romani kultura, ov sinele piri khelin upral pire chave Tonin, Zak thaj Moris, kola so sine o orginalno dzene e Dzipsi Kingeskere, te keren akava stili.

Sar zojrakerin kaj akava muzikakoro bendi isile piri Romani tradicija, o Mikael, o chavo e Tonineskoro, solo gitaristi thaj dzeno kova so kergja o bendi, angleder 6 bersha ulo sakanaskoro dzeno ko akava bendi.

O Bendi odma dikhla oleskoro kreativiteti thaj talenti sar muzichari thaj gilavutno thaj akana o Mikael si umetnikano sherutno ko Gypsy Kings. Ov si I phandin mashkar I tradicija thaj o nevjakeriba akale neve muzikakere zarneskoro.

Akhariba dzi ko Roma, o Belgrad nane but dur, odoleske koj so mangjela shaj te dzal thaj ko 31to mart te uzivinel ki senzacija so ka priredinel la o thagarutno Romano bendi GYPSY KINGS.

You may also like...

Sorry - Comments are closed

Video

Follow Us