OPER rodela: Te kerelpe opshto politikakoro konsenzus !

нецо

I pashakerdi partija basho jekhuitnipa e Romengoro OPER, pazibaja dikhalrela o chipote trujal o keriba e Radjakoro, thaj cidibaja taro o pozitivno ustavno barvalipna klnde so obezbedinelape sakosaskoro dizutnikano jekajeknijamluko thaj sakanaskoro mashkardzivdipa e makedonijakere dzijaneskoro thaj o javera nacionalitetija kola so dzivdinena ki R.Makedonija, akharaja ko dejbe ikerin ko Ustavno poredok e R.Makedonijakoro, vakerena tari partija.

– Zojrakeribaja amare demokratikane barvalipna ki unitarno R.Makedonija I sluzbeno chip si I Makedonijakiri chip thaj olakoro kirilichno pismo.

O demokratikane barvalipna e Ohrideskere pervazanejgere phanlelafeskoro, ki sakosaskiri dendi ikerin tari mashkardzijaneskiri jekhin thaj SAD, ko edinice e lokalno korkorilegarinakere kolende sar inportantno numero dzivdinena o preperutne e nacionalitetengere, ko sluzbeno kulandiba, trujal I makedonijakiri chip thaj o kirilichno pismo, si thaj I chip thaj o pismo e nacionalitetengoro, telal ko shartija thaj shanija kola so si zojrakerde e ustaveja e R.Makedonijakoro, dzivakerelape taro OPER.

Akale postulatencar, o OPER dela takati sa e legarutnengje taro legaribaskere makedonijakere thaj albanijakere partija ko amlipa e etnikane politikakere partiencar thaj olengere legarutne, te gradinen agnelder sa I pakiv ko lafikerina resaribaja sasuitnikano politikakoro konsenzus, kova so ka del ark ate chivelpe agor ki politikakiri kriza koja so kerela posporo o demokratikano thaj o ekonomijakoro bajrovipa e evropakere Makedonijakoro, sar thaj olakiri evroatlansko integracija ko interes sa e dizutnengoro e R.Makedonijakere, tergjovela ko havlariba e partijakoro OPER.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha