O Zaev dzi ko dizutne Roma: Ka dzivdina kvalitetno sarine, ko jek sasuitnipa bashi sarinengje !

ZAEV

O Roma ki Makedonija si jekajeknijameskere dizutne ki akaja phuv thaj I rashtra musaj te obezbedinel thaj te arakhel olengjere nijamija, vakerela o Zaev.

O prezidenti e SDSMeskoro, Zoran Zaev, basho Mashkardzijaneskoro dive e Romengoro, bishalgja bahtarina dzi ko preperutne e Romane jekhinakere ki R.Makedonija:

– Bahtarava o Mashkardzijaneskoro dive e Romengoro sa e preperutnengje e Romane jekhinakere ki R.Makedonija, ko anav e Socijaldemokratikane sojuzeskoro thaj ko miro lichno anav.

Akava dive e Romengoro, kote d ate dzivdinen ko sumnal dela ki gnd ko civilizacijakere pridobivke thaj vazdiba basho poodorigaskoro bajrovipa thaj anglunipa. O Roma ki Makedoninja si jakajek nijameskere dizutne ki akaja phuv thaj I rashtra musaj te obezbedinel len thaj te arakhel olengere nijamija.

I dziakanaskiri legarin kerela sine gajla thaj gazinela sine o fundavno nijamija thaj rahatlipna sa e dizutnengjere. Akava paluneste reflektiringjape upral o phagerdiba thaj e nijamengoro e dizutnengjere Roma.

O dizuitnipa uche pragoja e chorolipaskoro, kova so dzivdinela ko namanushikane thaj telalperavde shartija ko 21to zamani, trpingja bidikhle brutalno thaj bizomujeskere pritisokija, doshperavina, darakerina, cidibalen taro kana, direktno tari I legarin koja so palo kanuni isila duglipa te obezbedinel lengje egzistencija, edukacija, sastipa, socijalno arakhin thaj e Romengjeda sar so kerela sa e javere dizutnengje.

Sajdimale sodizutne Roma, o tranpe kola so barabarutneste alosargjamlen ko 11to dekemvri avena. I nevi reformengiri Radja ka implementirinel o koncepti jekhe sasuitnipaskoro basho sa o dizutne rahatlipaja thaj shukar dzivdipaja, bizo hemin e politikakere, etnikani, pakajbaskiri thaj savi da te ovel javer preperiba.

Sarine amen kola so dzivdinaja ki akaja rashtra, biethinaleste ko kova nacionaliteti preperaja, isiamen nijami e jekajeknijamlukoskoro, baht, shukar dzivdipa bashi amengje thaj amare chave. Odova sarine ko jekh than ka resarale, vakerelape ko pismo e Zaeveskoro.

You may also like...

Sorry - Comments are closed