O Tetovo ko dive e Romengoro mujal I diskriminacija upral o Roma

TETOVO

I asocijacija basho demokratikano bajrovipa “Sonce” taro Tetovo shurakergja realizacijaja e proekteskoro koleskiri so resarin si te tiknarelpe I diskriminacija kolaja so arakhelape I Romani jekhin.

Ko pervazija e proekteskoro anavkerdo sar “Tari akcija dzi ko jekhutne nijamija e Romengere” si pravdi proektno kancelarija ko pashipa e tetoveskere hospitaleskoro, kote so o dizutne ka shaj te keren ladi dzikote esapinkerena kaj sine kurbanija e diskriminacijakere.

– O proekti isile bashi resarin te vazdel peofikasno lejbe than e Romane jekhinakoro ko aniba decizije kola so isilen piri khelin upral olengere dzivdipna, basho keriba e politikengoro te anglederanelpe dzi ko tiknariba e diskriminacijakoro kolaja so arakhenape – vakergja I Margita Stojanovik, proekteskiri koordinatorka.

Trujal I Romani jekhin, adzikerelape kaj ka oven chivde thaj organizacie thaj insititucie so kerena buti ko drom e manushikane nijamengoro.

I kancelarija sine pravdi ko dive e Romengoro 8to april. O proekti si kotor tari IPA programa e Evropakere Unijakiri,a trujal ko Tetovo, ka kerelpe thaj ko 5 javera komune dzi ko 2020 bersh.

You may also like...

Sorry - Comments are closed