O terne taro “Lolo Trushi” e komunakoro Shuto Orizari avdive organiziringje RATDEJBASKIRI akcija !!!

ЦРВЕН КРСТ

Avdive ko thana e Komunakere Shuto Orizari, o Ternengoro klubi e Lole Trusheskoro e komunakoro Shuto Orzair, ko mashkarbutikeriba e mashkarune Lole Trusheja tari diz skopje, organiziringje dujto akanaske rat dejbaskiri akcija koja so ikergjape ko thana e komunakere khereskiri.

Ki rat dejbaskiri akcija sine chivde skoro sa o volonterija e Ternengoro taro klubi e Llole Trusheskoro ko Shuto Orizari, kola so angleder te len o rat taro o Roma thaj te donirinenle basho okolengje so isilen zarurin taro rat, sikavena sine e Romen sar te phejraren dijek formularija thaj prekal lende te dikhlarelpe dali ola si hazrlije te den rat jali na.

Te shaj te den haberi e Romen tari akaja ratdejbaskiri akcija ki komuna Shuto Orizari, ola lepingje reklamno materijalija ko thana e komunakere thaj ko panda nekozom lokacije ki Shutka, a ikergje thaj edukativno arija basho o bukjarno personali tari mashkaruni siklana “Shaip Jusuf”, tari fundavno siklana “Prajla Ramiz thaj Hamid”, sar thaj e bukjarnenge tari komuna Shuto Orizari.

Ki akcija sine zarurin te khedenpe hemhari rat taro 30 donatorija, kote so o terne pakjandile kaj dzi ko 14 o ari, kozom so traingja da I akcija, ka resaren te kheden thaj pobaroda numero taro rat.

Ko akava akhariba, dzikana sijam sine amen odothe, uljam svedokija sar dosta Roma kola so shungje bashi akcija ale thaj ule donatorija pire rateskere sa manginaja olengoro rat te ovel kulandipa e dzenengje kola so ko avutnipa ka ovel lengje zaruri rateskiri donacija jali arka.

O ternengoro klubi Lolo Trushi tari komuna Shuto Orizari, basho pire resarina, ko avutnipa isilen ko nijeti te ovel len thaj mashkarbutikerin e televizijaja Shutel te shaj prekal reklama te ovel pobaro o haberi dzi ko Roma kola so kamlape te aven te den piro rat.

Okola so ale te den piro rat, tari rig e timengoro sine lengje ulavdo soko thaj disavow hajbaskoro artiklo.

I akcija kergjape taro 09 dzi ko 14 o ari, thaj ki olate kamlape sine te khedelpe rat taro hemhari 30 donatorija rateske, kote so pakjalape kaj sukcesivno resargjape odova numero.

You may also like...

Sorry - Comments are closed