O socijalcija Roma taro Kochani protestirinena. I rashtra chingja lendar o socijalno sebepi so lena prihod taro plastikakere shishija

SOCIJALNO

Angleder trin divesa o Roma socijalcija taro Kochani iklile ko protest. O sebepi so ola iklile ko protest sine so i Rashtra angja decizija te chinavel lendar i socijalno lovengiri arka sebepi so lena po 360 denarija prihod taro o khediba thaj bikiniba e plastikakere shishengoro, zojrakerena o Roma kola so iklile ko protesti.

– 200 Romane familija achile bizi socijalno lovengiri arka, sebepi o bikiniba plastikakere shishija thaj akana o manusha nane te len socijalno arka jek bersh, vakerela o Bejsin Shakirov.

Kerelape lafi basho jerilukija kola so isilen po 6-7 dzene thaj kola so zojrakerena kaj si kurbanija e sistemeskere thaj ola bizo nisavo nijami akana achovena te dzivdinen bizo maro.

– Basho 350 denarija so isiman prihod, so bikinava shishija basho te shaj te parvarav mire chaven ola mangjena te chinaven mandar i socijalno arka, vakerga o Asan Ademov.

E neve sherutnake ko Centro basho socijalno bukja ko Kochani, ola dengjela vakti taro duj dive te shaj palem te iranel len ko sistemi. Ako na kergjape odova, o Roma zojrakerena kaj ka chiven shatorija anglo o udara e komunakere.

– Dzikote ola na halovena akala problemija, amen nane te dzaamenge akatare, vakerela o Bejsin Shakirov.

O protesti e socijalcongoro Roma avela salde jek kurko sar so i Ministerka Remenski anavkergja nevi sherutni ko Centro basho socijalno bukja e dizjakoro, koja so avela taro nichija e SDSMeskere. Sapanda, o Roma so protestiringje zojrakerena kaj olengere protestija nane phanle e politikaja, numa o protest si socijalno thaj chudena savo da te ovel partijakoro phanlipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha