O Romano poanglutno prvako palo boksi, Tajson Fjuri, palem iranelape ko boksi !!!

TAJSON FJURI

O boksi ovela panda pobarvalo basho panda jek baro anav sar so o Romano bokseri Tajson Fjuri irati sikavgja ko sasuitnipa kaj si hazrlija te iranelpe ko ringo.

O britanco ko 2015 bersh triunfiringja e Bladimire Klichkov, numa nekozom chona pogechi sa o titule sine lestar lende odoleske soske pelo ko doping testi, palo so o Fjuri sikavgja kaj agorkerela I kariera.

O poanglutno prvako palo odova vakerela sine kaj kerelape lafi bashi droga koja so delale sine arka ko piro mariba mujal I depresija, a na disave stimulansija kola so bi kerenale poopasno ko ringo.

Palo odova, vakerela o Fjuri, alo leske vakti e krizakoro, numa o Fjuri akana si hazrlija basho iraniba ko ringo, ko mariba oleskoro kova so ka kerel le hembutpakjalape ko 13to maj.

– Hemneve haberija. O thagar iranelape ko 13to maj. Keraja buti ko arakhiba mujal candidate.

Oven saste so arakhena o pojasija, avava pali lende, dengja mesazi o Fjuri prekal piro tviter profili kova so korkori ko sa pire press konferencije angleder o mechija phiravela maice thaj shorcija Romane bajrakoja thaj nikana na garavgja piro Romano avipa, koleste so leskere fanija akharenale o Thagar e Romengoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha