O Romanijakoro korkorianavkerdo thagar e Romengoro Dorin Choaba, uapsimo basho garajbe danoko taro 5 milionija evroja

DORIN COABA

O Dorin Choaba, o korkori anavkerdo thagar e Romengoro, ko 13to septemvri – tritodi sine ko pritvor 24 arija, sebepi o sumliba kaj garavgja danoko kova so pulisarelape kaj oleja zijanikergja e rashtra basho 5 milionija evroja, sikavena o odorigaskere mediumija.

I dzandarmerija ko tritodi kergje 28 rodarina ko dizja Mehedinti, Timish, Arges, Kluz, Sibiu, Junedoara, Dolji Gorj regioni, thaj ko Bukuresht. Sa ola tovarinenape kaj sine involvirime ko garajbe danoko thaj thojbe lovengoro.

Ki akaja akcija sine pritovrime nekozom dzene mashkar kolende thaj o Dorin Choava. Ko istono vakti ko Xibiu ki akcija sine privedime thaj oleskiri romni I Sigisoara.

I dzandarmerija dela haberi kaj ko vakti taro 2009 dzi ko 20014 bersh, ko baro numero taro kompanije kergje shema basho garajbe e danokoskoro upral funda e hovavne sistemeskoro e finansisko bankroteskoro.

Basho vakti e rodarinakoro ko tritodi, I dzandarmerija lela duj luksozna vrdona, trujal 220 mile evroja ko hazri thaj 21 mile evroja tari bankakiri esapin. Ko lendo materiali isto agar si chivdo thaj jek stambeno objekti.

You may also like...

Sorry - Comments are closed