O Romane politikakere liderija ki oficialno dikhin ko prezidenti e R.Makedonija Gorge Ivanov telal ko sebepi 8to April – Mashkardzianeskoro dive e Romengoro

IVANOV  ROMI

O prezidenti e R.Makedonijakoro, Gorge Ivanov, ko jakha e Mashkardzijaneskoro dive e Romengoro – 8to April, avdive primingja e sikavutnen taro politikakere partie e Romengere ki R.Makedonija.

O prezidenti Ivanov bahtaribaja o 8to april, Mashkardzijaneskoro dive e Romengoro, sikavgja kaj akava dive afirmirinela I zarurin tari I pobari ikerin bashi I Romani populacija koja so aktivno kerela buti ko angledershartija kolencar so arakhenape. Ko odova thavdipa, dengja mesazi o prezidenti Ivanov, I R.Makedonija ka dzal thaj poodori te kerel gajla basho o anglutkeriba e nijamengoro e Romane jekhinakoro ko makedonijakoro sasuitnipa.

O sikavutne taro Romane politikakere partie sikavgje kaj bari sajgija bashi lengje sikavela o inportantnst kova so o prezidenti Ivanov dengjale basho o nijamija e Romane jekhinakoro ki Makedonija thaj dengje mesazi kaj o Roma sar intelegentno kotor taro makedonijakoro sasuitnipa ka dzan thaj poodori aktivno te participirinen prekal pire parti ko politikakoro dzivdipa basho o poodorigaskoro anglutkeriba e pozicijakoro e Romengoro ko mashkarutno thaj lokalno nivelo.

Ki dikhin sine sikavdo kaj I R.Makedonija ko evropakere pervazija si legarutni ko sajdiba e nijamengoro e Romengere, sar jekajeknijameskiri jekhin sa e javere jekhinencar ki Makedonija, jekajek olengere ustavno zagarantirime nijamencar.

Jekhutno phandipa si kaj isi zarurin taro intenziviriba e aktivitetengoro taro prioritetno kotora kola so si kotor taro Nacionalno akciono planija 2016 – 2020 bersh, sa resarinaja poefikasno implementiriba e zalozbengoro basho jekajeknijamluko, bajrovipa, integracija thaj prosperiteti e Romane jekhinakoro ki phuv.

You may also like...

Sorry - Comments are closed