O Romane dzuvlja taro Belgrad thaj Panchevo lele diplome basho polokho avipa olengoro dzi ko bukjardarnipa

SRBIJA

Ko phandipa e proekteja “Ekonomijakoro zojrakeriba e Romane dzuvlengoro: anglutkeriba e kapacitetengoro basho bukjardarnipa thaj korkoribukjardarnipa” ulavgjepe diplome basho o sukcesivno agorkerde kursija ko Belgrad thaj Panchevo.

I resarin akale aktivitetengiri sit e shaj te anglutkerelpe thaj te bajrarelpe o konkuriteti e Romane dzuvljakoro thaj Roma ko kurko e zoreskoro. I organizacija “BIBIJA” thaj javera amalikane organizacie phejrargje pobuter taro 100 bukjarne ofisija thaj tereneskere vizite ko 16 Romane kupatna. Sa o dzene so lele than olendar 109 sar sukcesivno agorkergje o kursija thaj arakhlepe diplomencar.

Ko ulaviba e diplomengoro thaj e bukjarne materijaleskoro basho sa o vizitkerija e kursnegere lele than thaj o sikavutne taro Nacionalno sluzbe sar thaj sikavutno tari Akademija Edukativa sar thaj sikavutne taro Romengoro dzuvlikano centro Bibija.

O proekti si direktno finansirimo tari Evropakiri Unija, a kergjale I Bibija ko mashkarbutikeriba e amalikane organizaciencar: Romano amalipa Novi Bechej thaj I Zuvlikani Romani organizacija Beliki Crljeni – Lazarevac.

Akava aktiviteti si kotor taro proekti “Ikerin tari EU bashi inkluzija ko sasuitnipa” kote so I EU finansirinela 5.4 milionija evroncar a kerelale I Delegacija e EU ki Srbija ko mashkarbutikeriba e Ministeriumeja bashi buti, bukjardarnipa thaj socijalno puchina.

O proekti kerelape 18 chona a o saskosaskoro baripe ko legariba e lovengoro e proekteskoro legarela 90.090 evroja.

You may also like...

Sorry - Comments are closed