O Romane dzuvlja ko Balkani marenape mujal olengoro internacionalno nalelakeribaja !!!

ROMI ZENI

O Romane dzuvlja taro Pashchimalo Balkani arakhenape jek kupa bi nijamutne bukjencar kola so ikljovena sebepi olengoro dzuvlipa, olengoro kolori ki mortik, olengiri socio ekonomijakiri chipota, thaj o kulturno chane olengere dzivdipaskoro. Ko istono vakti, o Romane dzuvlja musaj te marenpe mujal jek lavirinti taro sasuitnikano olengoro nalelakeriba sekova dive, ola sekova dive marenape akale nalelakeribaja thaj ka dzan thaj poodori te keren odova thaj avdiveda.

Avrial taro sa o rasaskere thaj kulturakere marginalizacije, o dzuvli thaj o chave Roma ule o nishani e Romane maribaskoro bashi olengiri poshukar integracija ko Balkani. – Isi jek buti koja so si pobilachi te ove jek dzuvli ki Srvija, a odoja si te ove dzuvli ki Srbija Romane avipaja, vakerena taro o biradjakere organizacije kola so marenape ko avidusno vakti e dzuvlikane nijamengoro ko Pashchimalo Balkani. Vakertuke sa o Romane dzuvlja, kola so prandinenape buti terne, palo odova isilen saval te keren gajla e but numeroskere chavengje kola so kerenalen palo piro prandipa.

O jerije odole tikne bershengere chajengere kola so prandinenape but terne, nasti te investirinen ki edukacija pire chajengiri, numa ola investirinena ko prandipa pire chajengiri thaj ko bishaliba len taro tikne bersha ko javera jerilukija. Ko buti chipote e asavke dzuvljen, trujal sa o nalelakerina, ola arakhenape buti drom thaj semejno nasilstvoja thaj jek kupa javere nasilstvoncar kola so avena tari rig e javerengiri.

Sem so ola si kurbanija e sasuitnipaskere, sar thaj hendikepirime preperutne pire dzuvlipaskere, but baro numero taro o Romajna but drom si chivde te dzivdinen ko melale kotora e melale Romane kupatnengere, isijbaja ko pre vasta sakana tikne chave.

Dzivdinena pobaro kotor taro o die pe chavencar ko droma bizo hemin dali ko bare khama nilaeske, jali ko shudre iva evendaske. Ko ponevo vakti o Romane dzulvja si chivde te keren buti sar kosutne ko disave privatno khera, ko siklane, ko kancelarije thaj agar naodori, bizo te alosaren ko save shartija kerena buti.

Te shaj olengoro nalelakeriba ko internacionalno nivelo te ovel panda pobaro, o romane dzuvlja sakana si phareste simantririme ko phejrariba pire nijamengoro bashi sastipaskiri arakhin thaj edukacija. Ko tikne lafija akava si o pharo dzivdipa e Romane dzuvlengoro ko Pashchimalo kotor e Balkaneskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha